close
媽咪姐
醒目助手救張衞健阿媽
上周五（ 7日）張衞健（ Dicky）媽媽余嘉碧喺酒店泳池急性中風而遇溺，送咗去伊利沙伯醫院 ICU。拍緊劇嘅 Dicky即晚由橫店飛返香港，好在張媽媽喺周一晚（ 10日）已經甦醒！
媽咪姐知道，張媽媽遇溺後一度危殆，好彩當時 Dicky嘅助手識得打電話俾張媽媽睇開嘅醫生，即係香港心臟科權威王國耀。王醫生即時將張媽媽嘅病歷送交負責搶救嘅急症室醫生，兩位醫生仲喺電話一齊研究，最終覺得用「冷凍治療」最好！ Dicky回港後亦即刻了解情況，王醫生建議張媽媽繼續喺 QE留醫，暫時唔可以轉往私家醫院，因為出事後嘅 48小時係搶救黃金期。
不過，有好醫生，都要有醒目助手識得打電話求救！今次 Dicky真係要加助手人工咯。
張衞健同老婆張茜連日都去探望媽媽，而患有抑鬱症、早前有錢銀爭拗嘅細佬張衞彝（ Henry）亦有去醫院，不過永遠同 Dicky前後腳。 
張媽媽打扮新潮，但原來今年已 75歲。 
王國耀醫生非常出名，曾拍宣傳心臟保健嘅短片！而且，佢仲有另一個身份，就係寰宇老闆林小明前妻趙雪英嘅男朋友。
全站熱搜
留言列表
