close
博出位
寵物萌
最近香港虐待動物案未停過，上周又有 8隻黃牛被撞死，搞到香港好似虐畜之都咁，唉……好在仲有一班愛錫動物嘅藝人，養到自己隻寵物肥肥白白，可以出嚟賣萌𠱁下大家。
幫手沖涼
一向酷到爆嘅陳法拉，原來都有母愛爆棚嘅一面。近日天氣酷熱，佢幫愛貓 Teddy沖涼，貓貓就疏乎咯，可憐法拉要全程彎低身幫佢洗白白，搞到腰痠背痛。
玩狗素顏
人見人愛嘅鍾嘉欣 BB，原來都係狗癡，仲掛住陪狗，連微博都唔上。直至有粉絲通緝佢，佢先上載同狗仔 Gizmo嘅合照，話俾佢吸引住喎！
睇媽咪做戲
早前，伍詠薇隻愛貓「思虎」入院做小手術，佢就讚貓貓好堅強冇扭計，更窩心嘅係原來思虎每晚坐喺電視機前睇佢嘅演出。收視好唔好唔緊要，伍姑娘都肯定冧晒！
擔心愛犬
伍姑娘隻貓平安出院，蔡卓妍（阿 Sa）隻狗女「朱古力」就冇咁好彩，要留醫一星期。阿 Sa仲話好擔心佢，搞到日日都要來回寵物醫院探愛犬，當正佢係親生女。
貓似主人形
近年胡杏兒嘅演技叫做進步咗，大家都逐漸淡忘佢嘅囧樣。點知佢又手多多放張愛貓「咪仔」相上微博，相中咪仔嘅囧樣真係同杏兒有 9成相似。陰功！唔好成日扮阿媽啦！
全站熱搜
留言列表
