close
揞名爆
「人惡」擺明大細超
喺公仔箱入面，成日計仔多多嘅大配角「人惡」，近年開埋茶餐廳，仲搞得有聲有色。不過，佢貫徹襟撈性格，無話做咗老細就唔識人，逢有藝員同事、幕後人員嚟食嘢，固然俾折！就算係記者去食，都一樣計平啲，皆大歡喜。
不過咁，「人惡」私底下同班伙計單咗聲，話間間傳媒嚟都可以俾折，志在宣傳。唯獨佢以前打過工嘅「絲帶台」呢，就無面俾，任何員工嚟食都要收正價！嘩，何解「人惡」咁唔 like舊東家呢？原來有段「血淚史」㗎！
話說有次佢喺「絲帶台」拍嘢，劇情要佢開罐食餅乾，點知一開蓋，竟然有蚊螆飛出嚟，仲要係成竇咁多！「人惡」見到都嚇一嚇，就問可唔可以換過另一罐？之不過，全場無人理佢之餘，有位仁兄仲勁寸佢：「係咁㗎啦！食你就食啦。」所以「人惡」話佢成世都會記得嗰日食蚊螆餅所受嘅屈辱，要同「絲帶台」割席到底呀！
邊個係「人惡」？
全站熱搜
留言列表
