開金口
一向視fans為「家人」的劉華，於聚會前一晚，已經秘密到九展彩排及為布置做監工，場地用了三萬個氣球扭成金像獎、金馬獎等圖案砌成巨型舞台，認真又隆重。當晚出席聚會的fans有近二千名，而劉華雙親、家姐及契媽葉德嫻亦例牌現身撐場。近八點鐘，身穿紅色氣球禮服的劉華出場，一口氣唱了十三首歌，活動中段，劉華終開金口講「華B」。「五月九日，我生咗個女，做咗爸爸，係好難忘嘅一日，今日囡囡滿月，好開心可以同你哋一齊分享，十個月前已經決定今日聚會，所以唔係刻意安排，呢啲係天意。」之後，張達明上台做棟篤笑，又再追問「華B」近況，劉華忍唔住講多少少：「佢依家九磅重。」聚會尾聲，熒光幕出現了劉華一家三口無樣但手牽手的照片，全場fans即瘋狂尖叫，離開前，每個fans也獲派發該張牽手相留念。
一分為三
翌日，劉華移師浸會大學會堂與fans舉行慶生會，是日活動只招呼三月至六月份生日的華迷，當日劉華逐一跟fans影合照，甚至有傾偈環節，有華迷託劉華代問候朱麗倩，他亦照單全收。「佢佗住BB嘅時候好辛苦，我知道㗎，我會好好照顧佢，多謝佢。」其後又再向fans承諾：「做咗爸爸之後，我唔會忽略你哋，你哋唔使擔心，我會將我嘅生命同時間分為三部分，一部分係囡囡，一部分係老婆，一部分係我嘅家人（即fans）。」完成兩日聚會後，劉華再度閉關做廿四孝老豆，全天候服侍老婆同囡囡。「佢（劉華）手頭上剩番阿杜套《盲探》未拍完，之前佢請假生女，而家到Sammi病咗，應該八月先開工。除咗套戲，佢下半年唔會接嘢做，直到年尾先會錄音準備出碟。」劉華身邊人說。 ####
歌迷分別準備兩個蛋糕賀劉華B女滿月，蛋糕仲有他們一家三口的卡通造型。
身穿氣球禮服嘅劉華除咗同歌迷唱歌玩遊戲，更主動開金口講「華B」近況。
劉華向fans大爆老婆朱麗倩佗B時辛苦，早前便被本刊拍得陪住老婆到診所做產檢。
每次fans聚會，劉華的父母、家姐例必出席，當晚仲齊齊上台切蛋糕賀「華B」滿月。
下半年，除了要同Sammi為電影《盲探》埋尾，劉華會推掉所有工作，專心湊女。
留言列表
