close
攬膊
早排大陸傳媒報導，指大S嫁入汪家成年，個肚一直冇動靜，奶奶張蘭忍無可忍，order乖仔汪小菲休妻：「懷不上就離婚，不然有她（大S）就沒有我。」講到似層層，不過汪小菲同大S依然好恩愛，早排兩個返咗上海，朝早拍拖行街shopping，夜晚孖住去朋友嘅生日party，大S著上黑色連身裙，圓潤粗腰傳出陣陣孕味，希望佢今次真係搞出人命！
老公寸步不離，對著住平底鞋嘅大S又攬又拖，行到邊都高度戒備。
代班被插
因為小S大肚待產，身為家姐嘅大S，幫細妹代班主持節目《康熙來了》。貫徹節目作風，大S糟質嘉賓逼人爆私隱，做足分內事，更加保得住收視，唯一問題，係大S嘅衣著，被視迷形容充滿濃郁強國風情，估唔到嫁咗個大陸老公，著衫品味變得入鄉隨俗。愈插愈多人睇，其實好處多過壞處，上個月，小S坐完月可以開工，大S終於功成身退，可以同老公返大陸繼續做少奶奶。
粗腰脹奶
今個月初，汪生汪太飛到上海，俾人發現拍拖行商場。當日小S著住平底鞋加闊身白恤衫，微隆小腹想遮都遮唔住，加上汪小菲又拖又攬實個老婆，！唔通今次真係有咗？到咗夜晚，兩公婆以全黑情侶裝出席公開活動，著住V領黑色直身裙，大S忽然變得好雙乳，V領彈出湯碗胸，加上條腰又圓又粗，襯埋個雙下巴，的確好有孕味。之前响台灣主持《康熙》，已經俾記者問佢點解圓咗咁多，為咗唔令大S傷心，大家唔敢提個「肥」字，反而大S好睇得開：「胖就胖，幹嘛說豐腴。」咁坦白，記得有咗通知大家一聲喎！ ####
未生得出，大S在台灣期間，對住剛出世嘅小S三千金，又抱又錫。
全站熱搜
留言列表
