close
媽咪姐
無責煙民 陳展鵬
今年 36歲嘅陳展鵬（煎 pan）孭飛嘅《情越海岸線》平均收視有 26點，成績總算還得神落。劇中嘅佢飾演實習醫生 Fit榮，性格戇直，迷倒唔少女觀眾。
現實生活中嘅煎 pan都算係好仔一名，早前自爆 5年無拍拖嘅佢，近年都冇犯過夜蒲、溝女、牀照等等呢啲無綫小生經常犯嘅錯。不過佢有一個不良嗜好，就係煲煙！上周六（ 8日），媽咪姐喺赤柱撞到煎 pan，當日家住將軍澳嘅佢，特登揸車載埋媽咪、細佬、細佬女朋友同埋超得意嘅 poodle貴婦狗，山長水遠入赤柱享受家庭樂，好鬼孝順。
不過煙齡唔淺嘅煎 pan，突然煙癮大發，索性走去山邊就地解決，仲扯煙扯到忘晒形，連公民意識都拋諸腦後，就咁將煙頭掉落草地！吸煙固然危害健康，隨地丟棄煙頭更係損害環境。 Fit榮，下次咪制喇！
搏命扯啜
草地踩熄
主動抱狗
煎 pan其實亦有愛心嘅一面，好似爭住抱呢隻得意 poodle咁！ 
只有家人冇女相伴嘅煎 pan，之後去咗買雪糕消暑，成個大細路。
未停過口
全站熱搜
留言列表
