《老表，你好嘢！》熱爆全城，連帶劇中的「細細粒」、鬼妹「小茜」等素人，也全數彈出。雖說鬼妹是金髮綠眼鬼妹，但陳明恩（Corinna Chamberlain）的廣東話，字正腔圓到流利過一些只在港讀國際學校的「鬼妹」藝人，「我喺香港出世、讀書，我覺得自己係香港人o架！只係好似奶黃包咁，裏面係黃色，出面係白色啫。」

話雖如此，但受訪者的香港特色為零，惟有帶港人陳明恩到港地榕樹頭，外景搭夠。拍照時，路人甲乙丙丁紛紛拿着手機拍鬼妹，陳明恩也報以微笑。「《老表》真係幫咗我好多，依家我最想係出碟做歌手，呢個timing啱啱好。」

三十歲的陳明恩，想出碟不是狂想，詳情請上YouTube輸入其名，你會發現，她的唱功，並非如手持ukulele擺甫士那麼簡單。

 

陳明恩（左）憑《老表》中的「小茜」一角，成功彈出。

我沒有「三粒星」

陳明恩不如《老表》的鬼妹般「喊到鬼鍊咁」，但她在劇集的表現，成功帶起其知名度，「真係要多謝祖藍搵我同寫咁多群戲啦！早兩日我出街，有啲小朋友走過嚟同我講：『你唔好唔開心，唔好喊啦！』Hehe，好得意。」

外籍人士說流利的廣東話，對大部分港人來說可能是新奇事，但在陳明恩的「白皮」下，是不折不扣的「黃心」，「我喺香港出世、讀書，好多朋友都係香港人。星期六、日我同屋企人都鍾意飲茶，最鍾意食叉燒包、奶黃包o架。」

陳明恩與哥哥一同參加學校舉行的生日會。

在新劇《神探高倫布》中，陳明恩的對手換上敖嘉年（左）及黎耀祥。

我膚淺，誤以為在港出生，身份證便有三粒星，陳明恩即時糾正：「唔係，我阿爸早排send過個message解釋我知，三粒星要係華裔嘅先有。不過，我覺得冇乜所謂啦，我係香港人，有得投票，OK啦！」

說到陳明恩的香港人身份，就要由其父母說起，「我阿爸係新西蘭人，阿媽係澳洲人，佢哋係傳道人，為咗嚟香港傳教就學咗三年中文，我同阿哥都喺香港出世。阿哥好叻o架，識彈呢個（舉起手中的ukulele）又識打鼓，我就冇佢咁叻嘞。」

陳明恩提及家人時，特別精靈，「係喎，我哋一家人好close，以前會跟阿媽返澳洲探阿姨，依家我哋就去多咗日本，因為阿哥娶咗個日本太太，搬埋過去。」

兄妹二人的感情要好，陳明恩對哥哥有讚無彈。

陳明恩（紅圈）在港出生，就讀屋邨幼稚園，港人過不少香港人。

攬到我O晒嘴

生於虔誠基督教家庭，陳明恩也是撐耶穌的兒女，她的名字，也與其宗教有關，「阿爸叫陳伯倫，係佢嚟香港嘅時候，一個朋友幫佢以個姓Chamberlain改嘅。佢想阿哥明白道理，於是改哥哥叫『明道』，我就用番個『明』字，『恩』就係有『恩典』嘅意思。」

陳氏兄妹年紀只差兩年，曾一同於慈雲山某幼稚園讀書，而陳氏一家每四年便會到澳紐探親，期間陳明恩意識到自己比真正的中國人更傳統，「我好記得有一次要返香港，同啲表哥表弟講拜拜，佢哋又攬又錫我，你知啲鬼好興o架啦，係社交禮儀吖嘛，但係我係呆晒O晒嘴。我心諗：『嘩！咩事呀？』

陳明恩母親白美安（右）曾任小學教師，她為兒女報讀「Accelerated Christian Education」（ACE）在家學習。

陳明恩與哥哥接受ACE時，也需要做功課，向鄰居小孩講解祖國歷史。

「之後梗係明係咩事啦，hehe，但係細個嘅時候，係比依家仲傳統囉，依家我對啲熟嘅朋友都會咁攬吓嘅。」

拍照過後，陳明恩提議到榕樹頭附近的港式餐室繼續訪問，邊行樓梯，她指着那些古舊的紙皮石階磚說：「嘩，好型呀呢啲，之前我嚟過食嘢，已經好鍾意，你估呢度有冇得包場做show？一定型到爆！」

是的。陳明恩對港式潮語非常熟悉，近日天氣較乾燥，她的大袋中亦有一支杏汁雪耳，「潤吓吖嘛，hehe。」

陳父陳伯倫（右）也為音樂發燒友，還喜愛拍片，「我喺YouTube上面啲片都係阿爸剪o架。」

異種憑歌寄意

滋潤乾涸喉嚨有杏汁雪耳，但陳明恩仍未嘗過愛情的滋潤，「我個樣係鬼妹啫，啲人以為我好開放，狂拍拖，其實唔係囉。」

說起對愛情的憧憬，陳明恩含蓄的說：「最緊要係愛我嘅，咩國籍我冇諗過呀，其實呢樣唔係好緊要嘅，只要同我嘅生活態度差唔多就得o架嘞。」

而趁着《老表》勢熱，陳明恩亦一嘗當歌手滋味，推出由王祖藍填詞的〈異種〉，上周亦已派台，「○六年我喺演藝畢業之後，本來簽過唱片公司，但係之後間公司執咗。今次呢首歌好有意思，係祖藍幫我度身訂做，講一個鬼妹同中國籍嘅男仔嘅戀愛故事。收到份詞嗰時，我仲感動到喊添。」

真人經歷？「唔……都唔算嘅，不過好多香港男仔都係咁，都係鍾意啲Kawaii嘅女仔，咩都要個男仔幫手，可能我都要學吓，hehe。」

08年，陳明恩與MC Jin（左二）、馬時亨姪兒馬正遠（右二）等，曾合作灌錄福音rap歌〈多謝〉。

公主look的陳明恩（左）。

與蘇永康合唱〈來夜方長〉。

正牌好Pure好True

未嘗一戀的陳明恩，對自己仍為處女深感自豪，她右手無名指上套着的指環，刻有「Love and Purity」，又有愛又純潔，寓意將女士最寶貴的資產，留給老公。

高登那些甚麼好Pure好True的「女神」位置，請留座給她。

純潔戒