close
媽咪姐
汪阿姐長情
媽咪姐一向好佩服啲前輩藝人，表現專業又識做人。好似阿姐汪明荃，入行以來，拍劇唱歌做粵劇瓣瓣掂！連做品牌代言人都可以做足 25年，連佢自己都話：「想當年（ 88年）同佢哋簽約，我啱啱當選人大，又做保良局總理，仲識咗家英哥！好多嘢就係從 25年前開始，好值得紀念。」
嘩，汪阿姐確係長情！最近佢去買蘿蔔糕過年，仲記得細個嗰時攞啲米去灣仔磨粉蒸糕㖭！乜都記得清清楚楚，女強人咪就係咁樣煉成㗎囉。
今年好疏乎
今年，汪阿姐舒舒服服喺酒店拍廣告，同老闆娘翁嘉穗（圓圖）齊齊睇效果，合作咁多年，有晒默契。
9年前 sexy
由於年代久遠，媽咪姐實在搵唔番汪明荃 25年前幫海馬牌拍嘅廣告相，但就搵到 04年嗰輯，只見阿姐着吊帶低胸裙出海， so sexy！
忙爆嘅汪阿姐，有小小空檔都出去辦年貨。有咁好嘅賢內助，難怪家英哥無後顧之憂。
全站熱搜
留言列表
