close
我哋對過錶㗎！（設計對白）
岳少前妻謝玲玲（上圖）表示好掛住林老太，話佢好好人。而岳少現任女友林寶賢（下圖）就喺佢走咗之後，先到場致祭，左右門離開，夾都冇咁準！
媽咪姐
林老太出殯林建岳前妻新歡夾得好
已故商人林百欣元配、大名娛樂老闆林建名母親賴元芳周一（ 28日）喺北角殯儀館設靈，終年 103歲。林建名同埋同父異母嘅細佬林建岳，仲有成班孫仔孫女齊齊送林老太最後一程。
講時講，岳少前妻謝玲玲好有心，都有嚟向林老太鞠躬，而岳少現任女友林寶賢（ Michelle）亦同場致祭。不過呢兩位「新歡舊愛」前後腳到場，再分別離開，費事「合照」尷尬啦。祭品方面，紙紮飛機大炮、大屋同大疊銀紙唔少得，仲燒埋個紙紮廚師專門照顧林老太飲食，真係貼心！
當晚林建名（中）同女兒九時離開，在場記者問林老太有何遺願？佢話十年前已交帶好，媽媽走得好安詳。
祭品勁認真
成枱美食一啲都唔馬虎，牛扒、魚蝦蟹、鮑魚、煲仔飯，仲有一壺茶，真係好享受喎！
全站熱搜
留言列表
