close
周一早上 8點幾，周家蔚喺老公天明接載下，到九龍法國醫院。直至下午兩點，家蔚順利產子，暫時取名 TJ。
媽咪姐
周家蔚緊張媽咪
恭喜周家蔚、洪天明！本周一（ 1月 28日）下午兩點，周家蔚剖腹生咗 7磅 6安士巨龍仔 TJ，母子平安， BB仲似足老爺洪金寶，肥肥白白。
洪天明雖初為人父，但全程表現輕鬆，事關老婆一早做足準備工夫。周家蔚同媽咪姐講：「我執咗成篋嘢入院， call定兒科醫生每日嚟醫院睇 BB兩次！另外仲搵埋陪月教我湊 B同餵人奶㖭。」莫講話你緊張吖，當日媽咪姐見家蔚媽媽拎住一篋兩袋，天明媽媽又拉多一篋陪入院。生仔果然夠晒大陣仗！
爺爺洪金寶當日下午 6時到醫院探孫，三爺孫瞌埋眼擘大口個樣，簡直一個餅印。
天明媽媽拖住一篋入院（上圖），家蔚媽媽亦拎住一篋兩袋，誇張過去旅行。
全站熱搜
留言列表
