亞熱帶
國語歌攻亞洲 SJ-M煲冬瓜冧粉絲
香港有鬼妹拍劇操流利廣東話，韓國一樣有 K-POP組合唱國語歌 冧大中華粉絲。邊隊咁把炮？就係被譽為「天團中的天團」 Superjunior嘅小分隊 Superjunior M（簡稱 SJ-M）囉﹗
SJ-M賣點係以國語歌為主，主攻亞洲市場。 08年開始，第一張專輯《迷》到 11年 嘅迷你專輯《太完美》，成員 嘅唱功、加上歪晒音 嘅「煲冬瓜」， 冧盡亞洲各地粉絲。 1月中，佢 哋第二張正規專輯《 Break Down》再次攻亞洲。今次《 B》 嘅聲勢 嚟得更猛烈， 8日公開主打歌《 Break Down》 MV後，一日內，已雄踞亞洲各地音樂網站榜首位置，更躍登美國 Billboard全球專輯排行榜第一名，氣勢如虹。
SJ-M於 08年組成，成員由大部隊 SJ分拆出 嚟，有中國籍 嘅韓庚、周覓、美籍華人 Henry（劉憲華）、韓國 嘅圭賢、始源、東海及厲旭。當中除始源因拍《墨攻》而順道 喺北京進修過中文外，其餘韓籍成員則要苦練中文，厲旭、東海、始源等都 talk得兩句，其中圭賢係表表者。之前佢 喺台灣節目中講過練中文練到喊，但辛苦有成果，依家佢 嘅中文程度好到俾各地傳媒封為「中文王子」。
圭賢煲冬瓜最叻
圭賢舊年被上海電視台邀請拍 咗一個情人節特輯《我們結婚了》，拍檔係上海新晉偶像婁藝瀟（電視劇《愛情公寓》女主角）。圭賢 喺劇入面全國語對白，雖然講得甩甩卡卡，但粉絲覺得 cult喎，冇計﹗
圭賢同小豬羅志祥喺台灣合作做節目而成朋友，兩個都係唱得之人，惺惺相惜。
我們的南京「見面會」現在結束了啦！親愛的中國 E.L.F.朋友們，謝謝！辛苦啦，你們現在收看的是「 SJM」。
圭賢於 19號開通微博，全部用漢語拼音。
重組試水成功
08年， M隊第一張正規專輯《迷》成功攻入中國市場、之後迷你專輯《 Super Girl》同樣令粉絲瘋狂。正當組合 喺亞洲如日中天之際， 09年，因隊長、中國籍成員韓庚解約離隊， M隊群龍無首，組合沉寂一年有多。正當人人以為 M隊係咁大之時， 11年， M隊宣布加入赫宰及晟敏兩位成員，隨即推出迷你專輯《太完美》，基地轉攻台灣。成員亦要 喺台灣 long stay兩個多月，邊學中文邊 喺當地所有綜藝節目亮相，以新形象試水溫。
距離之前嗰張《太完美》，粉絲已經苦等 咗 1年零 10個月先等到《 Break Down》，加上今次收錄 嘅歌曲非同小可，除有馬來西亞歌王光良作曲外，佢哋仲為鄭少秋、林峯主演 嘅電影《忠烈楊家將》唱主題曲〈我挺你〉。 1月中，組合帶住新專輯由南京作起點，巡迴各省，更被江蘇電視及遼寧衞視邀作春晚嘉賓。
台灣著名主持人張菲（中）講過，係 SJ-M令佢對韓國青年改觀。
上周五（ 25號）， SJ-M出席武漢湖北衞視綜藝節目《挑戰女人幫》，成員圭賢（右）及東海（左）跟另一組嘉賓玩雜耍遊戲。
SJ-M跟英國老牌樂隊 Backstreet Boys同為遼寧春晚嘉賓。
成員微博出 冧招
SJ-M被譽為「最親民的偶像」並非無因，事關佢哋玩起上嚟，完全將偶像包袱揼埋一邊。睇吓赫宰個冏樣。
宣傳活動上，成員個個大晒有限 嘅「煲冬瓜」 冧粉絲，開埋微博，圭賢更以漢語拼音同粉絲作交流。你話粉絲有乜法子唔俾佢 哋 冧到暈酡酡。
最後一提，組合 2月 21及 22號會 喺台灣舉行 FM（ fan meetimg），香港亦會係其中一站，雖然日期尚未定，不過粉絲唔使驚，佢哋一定會嚟㗎！ 
留言列表
