close
孤獨發吽哣
原來阿佘獨自坐喺座位，既冇影合照亦冇出去同其他信眾交流，出奇地安靜。
媽咪姐
法王合照冇影阿佘孤獨望海
一向受明星追捧嘅大寶法王早幾日搞咗個放生活動……咪住！邊一個大寶法王先？家陣佢哋鬧雙胞，咩法號媽咪姐唔記得，淨係知一個係邱淑貞、郭富城派，一個係王菲、劉嘉玲派。今次嘅放生活動，就係邱淑貞派搞嘅。
當日大會安排嘅船勁大隻，足足擺咗三十圍咁多。每一張飛$400，包一餐齋 buffet。媽咪姐本來諗住可以見到豆斗、城城或者 Chilam，點知三個都冇嚟。好彩後來見到阿佘，不過當日佢出奇地安靜，冇出去 social又冇同「主角」法王影相，只係靜靜坐喺座位度望海。咦，唔通佢掛住男友麥子樂？咁就不如積極啲，求法王搞搞啲姻緣啦！
禮貌打招呼
當日老友周家怡陪伴阿佘參加法會。阿佘上船前都同媽咪姐打招呼，好有禮貌。
望海慰寂寥
之後佢仲望實個海，個樣愁默默咁。
缺席大合照
法王難得嚟香港，人人都爭相影合照，就連周家怡（圓圈）都唔例外，不過阿佘則全程冇影。
今次活動嘅法王叫「聽列泰耶多傑」，信徒有邱淑貞、郭富城等人（上圖）。至於王菲信奉嘅，叫「鄔金欽列多傑」（下圖），據知上一位法王離世後，兩名大攝政法子各自尋得繼任人，自此法王鬧雙胞胎。
阿佘同麥子樂拍拖半年，早前《忽周》仲影到兩人共享一杯雪糕，相當 sweet。
Baby，下次我陪你，咁咪唔會悶囉。
（設計對白）
全站熱搜
留言列表
