close
要我笑，要俾錢㗎！（設計對白）
阿 Jan貫徹 cool爆形象，由頭到尾，唧都唔笑。
媽咪姐
軟硬差得遠
人紅呢，真係做乜都得！軟硬呢個組合大大話話出現咗成 25年，到依家都一樣咁受歡迎，媽咪姐近排都要特登去食包幫世姪女換佢哋設計嗰啲賀年精品呀！
不過，講時講，葛民輝同林海峰（ Jan）呢 pair嘅性格就真係咁多年都差天共地。好似早前媽咪姐去酒店 tea一 tea，就撞到佢兩個分別攞車走人，只見阿 Jan全程黑口黑面，搞到 bell boy都好緊張！而阿葛呢，就 keep住笑笑口， bell boy即刻鬆晒，仲主動撩佢吹水㖭！一凹一凸，好事嚟嘅，但俾媽咪姐揀一千次都係 buy「和諧」嘅阿葛多啲嘞。
阿葛，你個 friend係咪搽開黑色面霜㗎？（設計對白）
阿葛同阿 Jan一樣 cap帽、灰衫加牛仔褲，但前者笑容加晒分。
Bell boy話陪攞車，阿葛笑住話唔使。不過開車門時扁扁嘴，開心人背後都有心事嘅。
見到個客黑晒面， bell boy梗係識做，全程跟住佢去攞車，十個緊張！
軟硬同大班師奶一齊跳扇舞迎新春，搞笑到暈。咦，阿 Jan唔黑面喇！梗係，拍緊廣告嘛。
全站熱搜
留言列表
