私駕路：整容街跑 升呢戰花
花心男通病：「我同佢一齊咗年幾，唔知幾時我對住佢開始覺得厭，但我又唔捨得，所以……我送咗佢去整容，整完唔只關係好咗，街上仲要勁多人眼望望，虛榮感返晒嚟。」講緊嘅之唔係疑似賽車版的蓮花 Evora，有姿勢有實際。記者：李鑒泉攝影：陳盛臣Model： Kimberley
其他副刊影片 放大圖片 
■原裝版本的造型明顯較為斯文，改裝可塑性高。
作為男人第二個老婆，唔少車主都鍾意為愛驅扮靚靚，但多數僅更換輪圈、貼車身貼紙或換尾喉等，少有車主願意將座駕改頭換面，尤其是設定近乎賽車的蓮花（ Lotus）跑車。不論 Elise或 Exige幾乎改無可改，反而它首部 2+2跑車 Evora因設定較斯文成為改車首選。有見及此，廠方推出 Evora後追加 S、 MGP、 GTS甚至由告士禾夫調校的 GT4賽車，看得不少車主都心癢癢想來個愛驅大翻身。廠方今年特別成立 GTN系列，將賽車系統配件「民用化」，更能參與廠方新增的 V6 Cup賽事，簡單嚟講，即係一個價錢兩份享受囉！
巨型尾翼夠誇張 放大圖片 
■桌面般巨型的尾翼可多角度調校，提升下壓力。
雖然 Evora MGP Edition本來配備已經「升呢」，不過眼前這部 Evora除保留 Two-tone Colour外，車身幾乎來個大變身，如換上賽車化一體式碳纖頭泵把、在巨型輪拱後增設 A Panel散風口、車側裙腳及車尾擾流等，唔只令個樣更惡形惡相，而且可以增強制動的散熱功能及在高速行駛時的下壓力，從而提升圈速。當然還有那塊可作多角度調校、似足 GT4的巨型尾翼，上面更有廠名及英國國旗，與原裝版本幾乎同出一轍。在街上見到還以為有賽車「出巡」，收視率比其他超跑更高。
放大圖片 
■輪拱後設 A Panel散熱口為制動系統降溫。
放大圖片 
■車身加裝誇張裙腳設計。
放大圖片 
■下擾流有助導走車底亂流。
放大圖片 
■更換生氣批及尾喉，讓引擎聲來得更尖更響。
馬力操控全方位提升 放大圖片 
■車廂改動不大，保持實用性。
但既然要角逐賽事又豈可單改外表了事？這台 Evora配備一副從豐田移植的 3.5公升 V6引擎，經更改行車電腦、加裝高流量風格、生氣批及全新排氣喉後，馬力從原來的 280匹催谷至約 318匹，啟用 VVT-I可變油門的轉數亦從 4,500-5,500轉下調至 4,000-5,000轉，讓馬力更早釋出，提升頭段表現，引擎叫聲亦隨即變得生龍活虎，按下 Sport Mode後聲音更越來越尖，讓人越踩越興奮。雖然沒有配備廠方的 IPS半自動波而維持 6前速棍波，但調校過的電子油門讓反應加快 70%，反應更直接。其他改動包括降低車身、更換懸掛系統及換上 Ohlins兩段式調校避震筒及彈簧，應付公路或是賽道均游刃有餘。不過為讓這台 Evora適合日常使用，故車廂保留原裝 2+2座位及 Recaro桶椅，只是輕輕換上 Sony音響而已，始終這個二奶還是要得到太座的首肯呢！
放大圖片 
■還是 6前速手動波箱版本更得車迷歡心
放大圖片 
■ Sony音響介面自動轉色，先「色」奪人。
Lotus Evora（標準版） 放大圖片 
■廠方未來更會為 Evora提供一系列 GTN配件，幾時落場都可以。
引擎： 3,456cc V6馬力： 280PS/6,400rpm扭力： 342Nm/4,700rpm傳動： 6前速手動波箱，後輪驅動售價：$1,090,000起查詢： 2877 0810（ Richburg Lotus） 
■如果不細看，真的會以為這台蓮花 Evora是正式比賽的 GT4版本。
留言列表
