謝霆鋒、張栢芝上年八月結束五年婚姻，離婚後的栢芝，不時傳出欲跟老公重修舊好，不惜借兩個仔過橋，大仔Lucas也開口做和事老「想父母喺番埋一齊」。不過，霆鋒卻早已表明不會復合。

死心不息的栢芝，早前帶同兩子又從陽明山莊搬到霆鋒對面的酒店暫住，貪近水樓台，方便見面。不過，霆鋒卻未有領情，日前更只帶同兩仔返家敍天倫，前妻栢芝當然無份。

栢芝愈搬愈近，日前霆鋒卻寧願帶兩子回家，三父子享受家庭樂。

栢芝繼被指是「負數演員」後，新片又惹官非，連跟前夫復合機會也不樂觀，認真運滯。

鋪路 復合

自離婚後，有傳栢芝為箍煲用盡方法，繼早前她孖住霆鋒和Lucas聯同其風水師的合照流出，一度惹出復合傳聞。今月初，原本一直租住陽明山莊的栢芝，早前寧捨去年以一億二千八百萬購入的世紀大廈，反而帶着兩子突然搬到霆鋒金鐘栢舍寓所對面的奕居，擺明爭取時間跟前夫見面。惜女方的處心積慮，霆鋒仍不為所動，僅全心放在大仔Lucas和細仔Quintus身上。

現正放假兩個月的霆鋒，雖然要忙於處理公司開分店事宜，卻不忘抽空陪伴兩個寶貝仔。日前早上九點，他已到栢芝的奕居接仔。當日離開時，霆鋒拖實雀躍萬分的Lucas，父子不時邊行邊講，十分溫馨；至於Quintus則由外傭抱着，眼仔睩睩的他手指指，精靈活潑。平日chok爆的霆鋒，在兩個寶貝仔面前，搖身一變成廿四孝老竇，三父子返回霆鋒住所後便留守家中，樂享天倫。

霆鋒向來着重兒子的學業，當日也帶埋Lucas的書包回家。