close


平時斯文大方嘅方健儀，其實好有童心！佢拖住隻玩具狗影相，仲話：「我隻新寵物呀！」

好多靚太朋友同媽咪姐講，呢個禮拜每逢睇新聞嘅時候都好失落！因為特首選舉醜聞揭極都有？呢個預咗啦。佢哋係好掛住「最佳女主播」方健儀呀！


上星期五晚（24/2）佢報完晚間新聞，講咗句：「多謝支持，後會有期，再見！」就離開咗TVB，依家喺溫哥華探親兼充電，返嚟就去廉政公署做高級新聞主任，貫徹佢嘅正氣務實作風兼形象。講真吖，正如被同事叫「方姐」嘅佢之前受訪所講，依家都三十五歲，年紀唔細，確係要諗吓搵份穩定啲嘅工作。結婚都成兩年，係時候準備生仔啦。不過，鏡頭外嘅方健儀，原來好活潑鬼馬㗎！第時同仔女一定無代溝啫。 ####


放緊假嘅伍家謙特登返TVB陪方健儀報最後一次新聞，仲送埋「主播蛋糕」㖭！


方健儀買咗agnès b.嘅蛋糕做「散水餅」，主播彭國柱話好唔捨得佢。


孖任職TVB工程部嘅老公洪楚恒去high tea，sweet！


同黃大鈞、彭國柱等主播去迪士尼玩機動遊戲，嗌到拆天！而黃大鈞就keep住chok喎。


估唔到方健儀同喬寶寶（右一）係friend，仲拉大隊跟佢去重慶大廈食咖喱。

arrow
arrow
    全站熱搜

    litalife 發表在 痞客邦 留言(0) 人氣()

    E-mail轉寄