上流滙
鄺美雲 閃爍人生
珠寶令一眾女士為之心動,小如芝麻至巨如蠶豆的鑽石,無不喜歡。
向來珠光寶氣的鄺美雲( Cally),當年因愛珠寶,便走去讀鑑證,考得資格後,索性從事珠寶生意,展開她的鑽石人生。近年她更踏足鐘錶界,親自為靚太們設計鑽石名錶。
出自她手筆的鑽錶,隻隻金光閃閃,錶上配以分量十足的寶石,而錶肉上的時針則淪為配角。
「其實要知時間,睇手提電話都得。依家戴錶心態變咗,寶石錶就好似件首飾一樣,用嚟襯衫同襯首飾。對於女士嚟講係個幾好嘅投資,有得靚仲可以升值。」
人稱「富婆」的鄺美雲,每次出動都貴氣逼人,一身珠光寶氣做人肉生招牌。「女士梗要有啲珠寶看門口,去飲宴都要有隻戒指襯吓,有時又要轉吓款,自然會愈儲愈多。」鄺美雲邊說邊笑瞇瞇。
買石當投資
女人天生愛購物,而珠寶當然是恩物之一,鄺美雲就對鑽石、寶石特別有研究。 99年考獲珠寶鑑證資格的她,便於翌年展開珠寶事業。「 Artist轉型比其他人辛苦,好似有客人入舖頭見到唔識嘅 sales,可能覺得對方好專業。但換轉見到係個歌手,就會質疑得唔得㗎!所以我必須要考個牌,學好先開舖。做珠寶生意搵錢之餘,遇到都係開心事,可能係結婚、紀念日咁,至少客人係心情好先會買。依家有客人信我眼光,讚我設計,已經係強心針。」
珠寶價格高漲,大如波子的鑽石,更是價值不菲,鄺美雲將鑽石當作投資用。「衫褲袋用耐會褪色,依家女士鍾意買 birkin手袋,都係貪佢夠 classic夠襟興,買珠寶就更 evergreen。當然要揀啲淨度夠高、上佳嘅寶石,就算過幾多年都唔會變,一樣夠白夠閃,可以一代傳一代。投資股票,只係拎住張紙,又驚佢蝕錢,而珠寶可以戴,至少靚咗先,又睇住佢漂亮地上升,好值得投資。試過有客人買完嘢之後,反而多謝我,因為件珠寶由 3百幾萬升到成千萬。」
巨石手鐲
鄺美雲對手上最新設計的 28卡梨形 Rubellite鑽錶愛不釋手,皆因極為罕有。「呢個款戴喺前臂,好似隻手鈪咁,襯晚裝最啱。」
翡翠錶鏈
鑽石錶除了加入色彩鮮艷的寶石,更有復古設計。這款由 145粒翡翠鑲嵌而成的錶鏈,甚有古典味道。
藍寶鑽錶
以 40多粒 1卡多的藍寶石及鑽石鑲嵌而成的藍寶石錶,分量十足,屬高價款式。
閃鑽熊貓
鑽石 4.09卡粉紅寶 3.56卡綠寶石 0.02卡26萬 8千
手錶除了加入圖形元素,亦有動物款式,「男士會買俾女友、太太外,見到呢啲得意款都會買俾囡囡。」
巨星錶面
星形錶面設計是鄺美雲經常戴的款式。「星形感覺 fashion啲,容易襯衫,普通場合都襯到。」
鑽錶當鐲戴
愛的設計
鄺美雲與樓神林達民拍拖大半年,不時孖住出席活動,甜到不得了,講明講心唔講金。
心形鑽錶
心形系列款式多多,這兩款鑲有欖尖形(右圖)、梨形寶石款是鄺美雲近期最愛。「除咗錶款可襯珠寶,連皮錶帶都可隨晚裝而轉顏色。」
綠寶石 5.21卡鑽石 7.66卡55萬
黃、橙寶石 7.73卡鑽石 4.19卡43萬 8千
留言列表