close
700萬，要我跳樓都得！（設計對白）
大熱天時冬裝上陣，林保怡仲要著住咁多衫拍動作鏡頭，唔中暑都偷笑。
同你吟一吟
林保怡玩命換人仔
離開 TVB，轉簽內地經理人 嘅林保怡，疊埋心水北上搵人仔，而佢首個孭飛做男主角、華誼兄弟有份投資 嘅三十集民初劇《雙雄》，早在四月正式 响車墩開工，聽講林保怡今次 嘅片酬，高達七百萬人仔，差唔多二十四萬一集，拍得住鄭嘉穎收二十五萬一集 嘅視帝價！
雖然家陣就快七月，但《雙雄》仲未拍完，上個禮拜三（六月二十日）林保怡仲要恤衫西裝打呔加件毛毛領厚褸，再拎住支長槍吊威吔開工。家陣上海氣溫日日起碼三十度，冬裝上陣開劇同黐頭套拍古裝一樣咁辛苦，不過中暑事小，內地吊威哋安全措施馬虎，分分鐘會搞出人命！
當日林保怡由地面一直吊上一座三層高 嘅古舊建築物，雖然有五個男人幫手拉住威吔，但地面連一塊安全墊都冇，林保怡俾人吊上吊落四五次，之後再要 响窄窄長長 嘅建築物圍欄外又跑又跳，工作人員同樣冇意識幫佢扣安全帶保命。
兩年前台灣女子組合 S.H.E成員 Selina，返內地拍劇集《我和春天有個約會》，一場爆破戲令佢意外燒傷六成皮膚，當時劇組連滅火筒都冇準備，前車可鑑，片酬幾高都係假，八珍奉勸林保怡一句：安全第一先最重要。
林保怡（紅圈）被吊高三層樓，地面一塊墊都冇，條威吔只係靠呢五位哥仔拉實，好求其。
同劇有來自香港 嘅邵傳勇（箭嘴），仲攞往電話拍低林保怡吊威吔，對於劇組零安全措施，已經見怪不怪。
吊完威吔，林保怡仲要跑住捐欄同跨欄，繼續零保護，萬一跣腳跌落街就大吉利是。
跨欄
全站熱搜
留言列表
