舉棋不定張國林泊低座駕之後，呂母似乎對食飯地點不大滿意，張國林諗了三分鐘，終於搞掂呂母，到附近打邊爐，嘆足兩個鐘。
滾熱辣
呂珊介入唱片公司老闆婚姻 49歲呂珊香閨半同居
49歲的呂珊，在娛樂圈打滾四十多年，演過無數電視劇，多飾演賢妻良母角色，更憑住一把靚聲吸引無數師奶粉絲。
外形硬朗的呂珊，對感情事極為低調。其實早在 02年，她因參與《唱家班二十年一聚演唱會》，認識「環星娛樂」老闆、年約六十的張國林（ Colin）。及後成為「環星」台柱的呂珊，搭上當時已婚兼育有兩子的張國林，五年前男方更不惜與結婚逾廿年的髮妻離婚。
離婚後，原居九龍塘的張國林，不時到呂珊在炮台山康福台的香閨過夜，過半同居生活。 6月 12日端午節，本刊發現呂珊與母親過節，張國林亦女婿上身，兩人送完呂母回家後，更共赴康福台過夜。
環星主打前輩級歌手，老闆張國林（中）近年亦漸趨高調，惟他在人前與呂珊（右）仍刻意保持距離。好似呢張合照，中間都要隔住個張偉文。
有「靚聲天后」稱號的呂珊，戀愛經驗豐富。她十五、六歲開始拍拖，多年來甚少提及感情生活，只表示過：「我只喜歡成熟穩重嘅男士，似爸爸型較好，因為我思想成熟。」條件與「環星娛樂」老闆張國林（ Colin）相若。
其實，呂珊與張國林在圈中的關係，不少幕後人員都知。但始終張國林是因為呂珊而與髮妻離婚，呂珊為免被指是「第三者」，兩人多年來甚為低調，沒有將這段關係公開。
本月 10日，記者早上在康福台守候呂珊，大約十一時發現張國林和呂珊前後腳分車離開。張國林目的地是觀塘公司，而呂珊則回 TVB，本來都是同路，但仍分車出入。
12/6茶記醫肚
當日早上，張國林載住呂珊，由呂珊家去到佐敦一家茶餐廳食粉麵醫肚，兩人食了大約半小時後離開。
商量晚餐
晚上張國林返回佐敦，接錄完音的呂珊及她母親食飯。張國林和呂珊在馬路邊商討一會，決定揸車去尖沙嘴。
一家慶端午
自張國林五年前正式離婚，兩人便在炮台山康福台呂珊的香閨半同居。愛屋及烏，張國林在端午節（ 6月 12日）更陪呂珊母親食飯。
當日早上，張國林先載呂珊由康福台去佐敦一家茶餐廳醫肚，之後呂珊到錄音室錄音，張國林則返回觀塘工作。晚上，張國林返回佐敦，接載呂珊及呂母到尖沙嘴火鍋店。晚上 11時許，張國林駕車載呂母返回天后住所，之後他和呂珊則返回呂珊香閨，至凌晨時分仍未有離開。
其實，呂珊多年來的感情生活都不太如意，認識張國林前，曾與基金經理拍拖，但未能開花結果。「珊姐脾氣大，唔開心就大吵大罵，係張國林忍到，笑騎騎永冇駁嘴。」知情者透露。
拖實呂母
食了兩個鐘有多，張國林打算揸車送呂母回家。過馬路攞車時，張國林扶實呂母，甚有好女婿風範。
半夜上樓
送完呂母返回天后之後，張國林揸車和呂珊返回炮台山愛巢。至凌晨時分，記者亦未見張國林離開。
童星變歌星
呂珊出生於演藝世家，父親是前輩音樂人呂永。呂奇亦是她的世叔伯， 4歲時她已經在呂奇主演的《梅蘭菊竹》演出。呂珊 7歲開始獻唱，於八十年代由酒廊歌手轉型為主流歌手，可惜發展未如理想。
02年，呂珊與環星首次合作，其後她簽約環星，環星為當時已十年沒出過新碟的她推出大碟《星光背後》，又在 10年為呂珊舉行首場紅館個唱。
00年，呂珊踏足無綫拍劇，十多年來演出過逾五十部劇集，以演出賢妻良母廣為人知。多年來，呂珊買賣樓宇次數不算多，不過她眼光奇準，多數都有斬獲，好似她買給母親居住的天后維景花園， 02年以 130萬購入，現時估計已逾 5百萬。
7歲做歌女的呂珊，自小已認識梅艷芳，後來她曾以藝名「珊珊」出碟。 
呂珊揸旗搞壽宴
太子避呂珊
去年盧海鵬奪金像獎最佳男配角，慶功時鵬哥亦預埋呂珊一份。估唔到連鵬哥都話呂珊似係環星老闆娘。
今年五月，張國林為老父搞壽宴，呂珊做騷咁做，找來薛家燕、張偉文及盧海鵬助興。據知向來低調的張老太略有微言，覺得此舉無非是有人想顯示「事頭婆」地位。記者問過盧海鵬，他亦認同呂珊似環星事頭婆：「係聽過張生同前妻離婚。我唔知呂珊同張生係咪拍拖，不過呂珊好似環星事頭婆，呢啲個個員工都知㗎喇！」
至於張國林兩名兒子張人丰（ Nicholas）及張子丰同在環星工作，他們另開副線 Music Next，歌手 Kellyjackie便是大仔張人丰簽回來。有前員工大呻環星苦況︰「公司上下都要睇珊姐面色，佢少少嘢唔啱就鬧人。反而前妻就平易近人好多。 Colin（張國林）兩個仔另開 Music Next，都係想避開珊姐。」
周一（ 24日）記者問過張人丰，雖然他不欲多講父母離異一事，但說話時明顯要與呂珊劃清界線。他說：「父母離婚係私人嘢，唔想講。（呂珊令你父母分開喎，你同呂珊關係點？）同呂珊小姐係同事關係，除咗做嘢，我哋唔係咁熟！」之後張人丰以工作為由離開。
呂珊：同張國林係好友
記者在周一詢問呂珊同張國林拍拖一事，她只肯承認跟張國林係好朋友，十分避忌。
記：聽講你同張國林拍拖，仲同居㖭！
呂：唔係。
記：你帶埋媽咪同佢一齊喺端午節食飯，張國林仲車你媽咪返屋企！
呂：張生成日車人返屋企㗎喇，可能我同佢太 friend，所以俾人傳啦。
記：佢 07年搞離婚，有冇同你傾訴？
呂：離婚係佢私事，佢把口好密。
記：你媽咪有冇催過你結婚？
呂：我媽咪 open mind，冇所謂。
記：咁張國林有冇機會？
呂：……佢唔係我搵嗰類型，我好揀擇！
看來呂珊已經將張國林及環星都「私有化」。本刊曾聯絡張國林求證，但截稿前未收到回覆。
24/6唔認戀情
張國林出入呂珊香閨，過着半同居生活，但呂珊卻否認戀情，並向記者說：「我個 file一向都好乾淨……佢唔係我搵嗰類型，我好揀擇。」
在《好心作怪》中，演慣賢妻的呂珊，飾演萬綺雯生父鄧英敏之情婦，後為鄧續絃妻子，仲生埋醫生仔王浩信。
鬼祟回家
本周二（ 25日），記者在天后發現呂母，上前向她打招呼，她諗都無諗就答：「我唔係（呂珊媽媽）。」之後過家門而不入。十分鐘後，她以為記者已走，才再急步入寓所。
小三升呢坐正
圈中唔少已婚男星都特別多情，容易移情別戀，令小三 easy升呢做正印。
鄭少秋
77年鄭少秋同沈殿霞相戀，翌年結婚，婚後有傳秋官背肥姐撻着趙雅芝。秋官後來在 84年認識官晶華，兩人打得火熱，肥姐更到片場摑了官晶華一巴，但卒之秋官仍是在 89年與官晶華結婚。
洪金寶
黎耀祥
92年， 28歲的黎耀祥同拍拖十年的前妻在港註冊結婚，之後祥仔拍《俠女游戲》時，和李麗珍助手梁耀蓮撻着。翌年祥仔即與前妻離婚， 97年與梁耀蓮到拉斯維加斯註冊。
留言列表
