close
庭上播放同小甜甜昔日嘅煙韌片段，未能令陳振聰勾起一絲微笑，全程木無表情。
媽咪姐
陳振聰肉麻騷變悶騷
高等法院真係好耐都冇咁熱鬧過。歷時個多月嘅陳振聰涉嫌偽造遺囑案，早前爆出
驚人內情，庭上播放兩段分別近一小時嘅片段，有聲有畫見證住陳振聰同龔如心嘅一段肉麻愛情真人騷，比無綫嘅《求愛大作戰》更精彩。即使庭上八成時間都以英語進行，依然吸引唔少抱住獵奇心態嘅市民趁下熱鬧。
可惜呢場肉麻騷並非紅館個唱咁有 encore，連日來控辯雙方只喺遺囑上嘅指紋同 DNA周旋，又搵咗唔同派別嘅專家去分析，講真一句，作為觀眾一分子，媽咪姐真係悶到喊。周二（ 25日），控辯雙方舉證完畢，即係話大家已冇機會再欣賞小甜甜嘅風采。
不過悶還悶，畢竟呢單官司將會決定陳振聰下半生，一大堆悶爆數據呈堂，自然少不免。陳振聰是禍是福，下周三（ 7月 3日）正式揭盅，相信屆時又會為呢單案再掀高潮。
當日現身支持陳振聰嘅，除咗有老婆譚妙清（下），仲有私生女倫培珍（左）。 
舊情史有聲有畫任人睇，泉下嘅小甜甜相信會痛心兼冇眼睇。
全站熱搜
留言列表
