Janice指不知強積金組合內有保證基金，聽取意見後，已即時轉換其他基金。（陳浩樂攝） 

亂市出擊揀靚股

度身訂做強積金　「積金」靠自己

去年十一月，政府推出強積金（ MPF）半自由行，讓打工仔可以將自己供款部分的金額，轉移到心儀的 MPF公司。
不過，半年過去，「轉會」的打工仔僅百分之二。
反應冷淡，多少因為無從入手。
為此，本刊找來 MPF專家、駿隆集團行政總裁蕭美鳳，就兩個分別三十及五十歲的個案作出點評，教你如何挑選適合自己的 MPF。

個案一

駿隆強積金行政總裁蕭美鳳提醒打工仔，不要對強積金戶口不聞不問，因裡面的存款隨時比他們銀行內的還要多。（陳浩樂攝） 

Janice
年齡： 30歲出頭　
職業：地產經紀
供款年期： 12年
MPF組合：本金保證基金、均衡增長基金

Janice：「我一直有買儲蓄型保險，個經紀幫我投資基金，我見有錢賺，就將 MPF都轉過去同一間公司，俾個保險經紀幫我打理。我都唔記得揀咗咩基金，總之佢話好就好，每年寄 statement嚟俾我望吓，咁耐以來都無蝕過，就無理啦。」

蕭美鳳
評　語：「 Janice揀嘅基金太過保守。保證基金每年回報得一、兩釐，追唔到通脹，適合啲就快退休嘅人。而且，這類基金會有『鎖定期』，中途轉就無咗保證回報。至於均衡增長基金，約有六至八成供款投資在股票，兩至四成投資在債券，屬於中高風險嘅基金。」

建　議：「如果睇唔清楚市況，想短期停泊資金嘅話，寧願選擇保守基金，呢類基金嘅回報都係低於通脹，但唔受任何條款限制，較適合短期投資。好像 Janice咁後生，可以揀全攻型嘅 MPF，即係將全部供款投資在股票基金，特別是港股這些地區性嘅股票基金，但每半年都要花時間去檢討表現，及留意經濟周期。」

個案二

平日最愛打機的李生，直言強積金只會養肥基金公司，兒女已在工作的他，指並不打算靠強積金退休。（嚴寶權攝） 

李先生
年齡： 53歲　
職業：司機
供款年期： 12年
選擇基金：均衡基金、穩定增長基金

李先生：「當年 MPF得三個選擇，就係高、中、低風險，我揀咗中風險，唔知入面買咩基金。坊間咁多隻基金，都唔知點揀，你叫我轉會，我轉去邊？轉完可能仲差呢！基金無蝕錢已經好好㗎啦，我都無諗住靠佢退休，最多得嗰五、六十萬，供嚟都係俾基金佬，蝕咗又無得追究！」

蕭美鳳
評　語：「李生揀了兩隻混合型基金，一隻股債比例各五成，屬於中風險，另一隻比例是四成股票、六成債券，屬於中低風險。呢類股債合一嘅混合型基金，買一隻就夠，因為佢已經分散咗風險，買兩隻即係將風險分散再分散，更難評估風險。

建　議：「李生可用三至四成供款揀環球股票基金，如果對歐洲股市沒有信心，可以揀亞洲（不包括日本）股票基金，但唔好揀港股基金，因為風險太高，而且環球股票已包含了香港股票。餘下六至七成供款，可以揀亞洲債券基金，或者人民幣債券基金，但因上半年美債價格大跌，應避開環球債券基金。」