close


呢晚樂小姐左擁阿旦右抱謝天華， happy！過兩日就約滿嘅 Laughing哥人到禮到（小圖），襟撈！ 

媽咪姐

樂易玲生日 P　獨欠峯峯豬

TVB製作資源部總監樂易玲嘅一年一度生日 P又嚟喇！又係見證親疏有別嘅大日子。周三（ 26日），就有大班明星藝人趕去 ifc某酒吧，同壽星女講 happy birthday！

 

數數先， 7月 1日就滿約嘅謝天華，到咗！依家返大陸搵人仔嘅佘詩曼，都到咗！無樂易玲應該無視后攞嘅胡杏兒，亦到埋！數嚟數去，仲差減個嘅，「親生仔」林峯呢？成日攞假同千語 BB去旅行嘅峯峯豬呢？嗯……一定係做嘢好忙嘞。仔大仔世界，媽咪姐明嘅。唔知樂小姐又點睇呢？


喺佛山拍緊《巾幗梟雄 2》嘅胡杏兒，山長水遠都趕落嚟，拉埋黃智雯同胡定欣照番張「簽到相」！ 

近年勁賺人仔嘅佘詩曼（右二），帶埋禮物，孖住（左起）周家蔚、湯盈盈同梁靖琪嚟賀樂小姐。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄