溫拿五虎之一的陳友，自九十年代各自各發展後，已快人一步，染指內地做生意，開過娛樂公司做 CEO，近年又孖住兒子陳良韋搞網購做護膚品生意。有自己人幫手，陳友再毋須頻撲中、港兩地飛，大部分時間留港享受人生。
日前，陳友飛甩老友同老婆，約了一班任職投資公司的火辣中女出海，當中包括○一年選過港姐、現職金融界的黃潔霖（ Kathy）。
考船牌
七十年代走紅的樂壇組合溫拿五虎，除主音譚詠麟（阿倫）印印腳唔使憂外，九四年已經離開娛樂圈，於北京從商專心搞生意的鼓手陳友，近年將網購生意交給兒子陳良韋打骰，自己做閒人。
年過六十，一直熱愛水上活動的陳友，未轉移基地到北京發展，已不時相約喜歡釣魚的拍檔彭健新出海，釣到大魚，再叫埋阿倫一齊擦餐勁。早兩年他考獲船牌後，便常揸船出海，享受人生。
「陳友兩年幾前辭任『中天傳播』 CEO後，就開始喺北京搞護膚品生意，而家盤生意差唔多交晒俾個仔打理，佢唔使好似以前咁頻撲，佢其實可以退休，不過佢儲落好多人脈網絡，繼續做落去，都有個仔幫手，而家佢好多時都留喺香港。」知情者說。
晒身材
辛苦搵來仲要識歎，日前，陳友相約一班做金融的中女坐遊艇出海，眾女海上晒身材，歎紅酒食牛扒，更將當日合照放上 facebook。
中女團包括擁有 35C，著住火紅三點式戴帽的黃潔霖，○一年選過港姐的她，與楊思琦同屆。相隔十一年，落選後轉投金融界的黃潔霖，身材依然冇走樣。
「佢選港姐嗰陣已經俾人話男友後台好硬，落選就去咗做金融，識咗陳友同佢班做生意嘅朋友好耐，久不久就會一齊約埋聚吓，都係班識歎識享受嘅人，好夾！」知情者說。
生活無憂
溫拿樂隊成立 39年，除了阿 B鍾鎮濤差一年未夠六十，其他皆踏入「花甲」之年；五人每隔五年開騷，搵水兼敍舊。「那些年」加上「這些年」搵搵埋埋，阿倫固然身家億億聲，其他一樣身家豐厚，生活無憂。
阿倫身家五億
被封譚校長的阿倫，樂壇地位無可代替，也是藝能娛樂公司老闆之一，個人投資瓣數多，單是香港，他與元配莎莉及紅顏知己 Wendy持有的物業，市值超過二億，連同生意投資，估計他的身家最少五億以上。
阿 B老來得女
當年與章小蕙離婚後，破產一鋪清袋，幸得溫拿五虎支持，密密開騷兼拍劇，終於走過黑暗日子；女友范姜又先後為他生了兩名女兒鍾懿及鍾幗，早前在台灣出唱片，阿 B還帶同女兒出席記者會。
陳友賣護膚品
彭健新享受人生
年過六十的健仔，很早以前已過 着退而不休的生活，間中亮相電視節目，平日以湊狗、釣魚為樂。健仔與友人在東莞合資皮具廠，也有做紅酒零售生意，名下物業市值也過千萬。
阿強炒樓最強
早年與家人移民澳洲的阿強（葉智強），雖然人不在港，但物業投資卻從未停過；多年來先後購入四個物業，全部有賺冇蝕，其中短炒太古城單位，兩個月內獲利 22萬。 
留言列表
