松岡濕啜Dominic慶合合

日模松岡李那向來性格熱情，就連新片亦去到盡!前晚與糖妹男友何浩文（Dominic）於蘭桂坊拍激咀戲，松岡一口半鹹淡廣東話粗口，一開聲已令圍觀者笑不停。而戲中艷福無邊的Dominic則表示事前已向糖妹備案，更指女友最好咀，大派定心丸！

由葉念琛執導的太陽城新片《溝女不離３兄弟》，第一女主角原意屬陳僖儀，奈何對方意外身亡，令劇本要作出修改，決定把第二女主角連詩雅「升呢」擔正，而與葉念琛傳緋聞的莊思敏，則聯同連詩雅及沈震軒大搞三角戀。

前晚率先拍攝Dominic與松岡於蘭桂坊夜蒲後，在街道上激咀戲，導演還要求二人作360度咀嘴，向來high爆的松岡，未埋位已主動搭實Dominic膊頭，一聲令下，松岡便主動獻吻，期間更發出笑聲，雖然當時下着大雨，但二人卻有瓦遮頭不致濕透，可謂咀得投入。

雖然下着大雨，松岡與Dominic等開工。

連詩雅（右）

兩人咀到慶合合，竟被戴了口罩的連詩雅，掟到成身忌廉。

剃鬚膏當忌廉

及後兩人便拍攝被連詩雅掟忌廉戲，鑑於忌廉很難洗得徹底，故劇組改以剃鬚膏取替，不過每每拍完一take，二人便要走上髮型屋洗頭兼重新上妝，認真慘情，但他們仍表現專業，未有半句怨言，於排戲時還高興得爆粗，Dominic一句「×街」﹗松岡於戲中亦爆粗：「你老母……what the f××k!」操半鹹淡粗口的她，甫開口即引來笑聲不斷，場面惹笑。

與松岡咀得投入的Dominic，透露二人已先後合作多次，故拍kiss戲時絕不尷尬，事前亦已向女友備案，他還說：「梗係女友好咀啲！不過第一次畀人掟忌廉，啲cream入咗耳仔，搞到聽唔到嘢，要即刻抹番，但都幾好玩嘅。」而戴上黑色口罩的連詩雅則說：「大壓力，驚搞到人哋NG，阻住收工時間，（平時有冇試過咁樣報仇？）不嬲都以德報怨，寧願自己唔開心。」

莊思敏突探班

不過前晚沒有戲的莊思敏，卻冒雨突然現身，且與緋聞男友葉念琛表現避忌，亦否認是專程來探班，莊思敏解釋有點牽強，謂：「我間化妝學校其中一個女仔喺度幫手化妝，我一陣11點要去上水開工，所以先喺度，唔係陪人。」至於曾演出電影《一路向西》的張建聲，對於有指稍後開拍的續集，有意找陳山聰加盟，問到會否擔心被人搶角色？張建聲滿有信心表示：「唔驚，你知老闆幾叻，不過新戲都要除褲。」

文：影視組

松岡遭「尋仇」爆粗！

松岡穿上貼身低胸裝開工，大晒事業線。

日模松岡李那與歌手林德信多次遭撞破約會仍否認拍拖，前晚松岡索性當「男友」冇到，與糖妹男友Dominic冒雨拍激嘴戲時忘情投入，胸貼胸咬完上唇咬下唇，期間卻遭掟Cream報復，二人更一度爆粗。

松岡穿上貼身低胸裝開工，大晒事業線。

咀嘴時被掟Cream，松岡嚇到O嘴交足戲。

Dominic咬實松岡嘴唇，肉緊到震。

糖妹與Dominic拍拖低調，免影響雙方工作。（資料圖片）

林子祥兒子林德信的緋聞日模女友松岡李那向來熱情言行開放，前晚她公然與糖妹男友Dominic（何浩文）於蘭桂坊濕身激咀，令一眾途人睇到眼凸凸！原來二人拍攝葉念琛執導太陽城新片《溝女不離3兄弟》，埋位後松岡顯示專業，明顯將Alex拋諸腦後，一副冧爆Dominic的模樣，二人咀到「換位」360度自轉，Dominic咀松岡時High爆肉緊環抱身貼身，忘形咬唇，松岡亦「投入」得高潮樣主動獻吻，雖然當時雨勢頗大，但拍攝地點有瓦遮頭，只少許濕身，最後四、五Take便完成。

Dominic恃熟賣熟唔尷尬

不過松岡冧咀猛男卻換來變大花臉代價！二人之後拍攝一場被連詩雅「撞破」掟忌廉報復的戲，劇組事前將忌廉改為剃鬚膏，但未能一Take過，Dominic與松岡Cut機後即衝到樓上髮型屋洗頭兼重新上妝，認真忙碌，但二人未有怨言，排戲時還興奮爆粗，Dominic突然一句：「×街！」松岡亦中英夾雜爆粗：「你老母……what the fxxk！」由於她操半鹹淡廣東話，甫開聲即引得在場睇熱鬧的途人笑聲不斷。

與松岡多次合作的Dominic，揚言拍咀戲不尷尬，但承認事前有向女友糖妹備案，更賣口乖說：「女友好咀啲，不過頭先啲Cream入咗耳仔，聽唔到嘢，要即刻抹番。」至於同場曾拍攝《一路向西》的男演員張建聲，對於有指續集有意邀陳山聰演出，問到會否擔心角色被搶？他滿有信心無懼傳聞，還透露於新片有裸露戲。

另外，《溝》片原屬意陳僖儀擔任第一女主角，因她不幸車禍身亡而急改劇本，由第二女主角連詩雅「升呢」擔正，並與新任「琛女郎」莊思敏及沈震軒大玩三角戀。

松岡Dominic爆粗激咀

#video_player{width:100%;height:100%;}

■Dominic同松岡喺雨中激咀，仲玩到脷叠脷咬唇。

【中環蘭桂坊】松岡李那前晚竟然背住男友林德信同糖妹男友Dominic喺中環蘭桂坊激吻，仲要玩到脷叠脷？其實唔使大驚小怪，呢啲只係葉念琛新戲《媾女不離三兄弟》嘅劇情，佢哋仲NG咗四次，每次都有高潮位，之後仲俾蒙面嘅連詩雅用cream掟面，Dominic即爆粗話：「搞×錯！」松岡亦用半鹹淡廣東話講：「你老母！what the fxxk！」

向糖妹備案

不過鏡頭背後松岡唔止冇嬲，仲笑到咔咔聲，又表現得好專業，雖然每次NG都要重新執執個樣，但佢完全冇詐型。Dominic之前同糖妹傳過分手，佢話有向女友備案：「佢忙到未有時間覆我。」問女友同松岡邊個好咀啲？佢識做咁話：「梗係女友啦！」
連詩雅喺戲中係愛護動物人士，因見過松岡着皮草，於是報復做出激進行為；另外連詩雅最近為新歌《說一句》拍MV，要喺浴缸同睡床幻想同以前男友嘅點滴。
有份演出《媾》嘅莊思敏前晚雖然唔使開工，但就同緋聞男友葉念琛着紅色情侶裝到場，仲獲女王式招待，有工作人員幫佢擔遮。葉念琛踢爆戲中沈震軒非常好艷福，分別同莊思敏、連詩雅有激吻戲，問葉念琛點解俾女友同其他男人咀？佢笑笑口話：「吓？關我乜事，佢哋都咀得好激！」
採訪：卓寶花
攝影：陳志嵐

■松岡同Dominic連環NG四次，但佢哋表現專業，抹完面再拍。