close
係影就影靚啲。(設計對白)王馨平對鏡頭依然敏感,一眼已𥄫到媽咪姐影相。之後以九秒九速度攞車走人。
媽咪姐
王馨平慳妹上身
今屆香港電影金像獎影后楊千嬅,憑《春嬌與志明》攞影后,咁大家仲記得客串幾分鐘嘅王馨平( Linda)嘛?佢都憑住呢套電影鹹魚翻生,上年年尾仲食住人氣,喺九展開首個個唱,圓咗多年心願。
早幾日, Linda現身 ifc,身高五呎九吋又戴住黑超,依然星味十足。不過當日 Linda喺 ifc行咗成粒鐘,全冇收穫。睇嚟 Linda同佢個 friend周慧敏一樣,都係慳妹一名。
王馨平喺商場掂行掂過,名副其實齋 walk。背影睇,王馨平真係肥咗好多,成個幸福少奶款。
《春嬌》導演彭浩翔話開拍第三集,仲大大聲話要搵周潤發、鍾楚紅,飾演余文樂阿爸阿媽,卡士咁強勁,唔知有冇預埋 Linda客串呢?
全站熱搜
留言列表