鄭容和雖生於小康家庭，但卻擁有貴公子氣質，斯文秀氣，而其才華更被韓國藝能界一眾前輩看重。
亞熱帶
CNBLUE靈魂 鄭容和
踏入 5月，韓風陸續吹到。 G-Dragon、 B.A.P.、 Superjunior等先後殺到嚟香港開騷，不過，今期就先講率先於 5月 10及 11號喺亞洲國際博覽會開演唱會嘅 CNBLUE。講 CNBLUE，當然要講隊中具有超高人氣嘅靈魂人物——主音兼隊長鄭容和。
24歲嘅鄭容和（原名鄭龍華），靚仔又有才華， CNBLUE嘅歌幾乎大部分都出自佢手筆，所以韓國傳媒封佢為「才子偶像」。而佢第一部電視劇《原來是美男》更為佢喺香港擸到成千上萬嘅粉絲團。所以話佢係 CNBLUE靈魂人物真係冇誇張。
論人氣，金賢重跟鄭容和不相伯仲，但論人氣，似乎鄭容和略勝一籌。起碼 CNBLUE開亞巡， SS501卻名存實亡。 
左起：鄭容和，朴信惠，張根碩，李洪基鄭容和未出道已率先參演電視劇《原來是美男》。因外形及角色討好，劇集一出，即被粉絲受落。
語言天賦
鄭容和 06年於釜山被星探發掘，當時同被發掘嘅仲有李宗泫。鄭容和因具創作天份，公司器重，為加強造詣， 07、 08年間，被保送往日本及美國進修樂理，所以其日語及英語都講得兩嘴，亦出過兩首日文單曲。
CNBLUE有別於一般跳舞組合，因為佢哋喺舞台上係以樂隊形式表演，所以令人有搖滾嘅感覺。 
二月時， CNBLUE以台灣作為亞巡起點，其任職貿易公司嘅爸爸及媽媽特飛去台灣捧場打氣。
稱職隊長
組合出道初期，鄭容和人氣最勁，工作量最多，作曲、廣告、拍劇等，但收入卻要全隊攤分。依家成員雖然各有工作同收入，但鄭容和仍堅持將自己收入同成員平分，令成員感動，獲得「最稱職隊長」實至名歸。
演唱會當晚，台灣歌手林俊傑（小圖）亦有到場，並送咗件 T恤俾鄭容和。 
舊年 12月鄭容和隨《 Running Man》嚟香港拍外景， 5,000粉絲逼爆朗豪坊。
憾事兩宗
今時今日嘅鄭容和，竟然有人唔識佢，呢個人仲係韓國藝人嚟。話說舊年尾，佢出席海雲台一個活動，當日佢偶像車勝元亦同場，鄭容和遂興奮到好似小粉絲咁搵車勝元簽名，誰不知竟被拒絕。此事令鄭容和 Rurt到依家。
另一抱憾係，當張東健嘅《紳士的品格》要喺 CNBLUE中搵一個成員演張東健個仔，有拍劇經驗嘅鄭容和一心以為非己莫屬，誰不知最後竟然係李宗泫跑出，原因係鄭容和個樣太乖唔啱演反叛喎。幸好最後都俾番佢客串，一個鏡頭咁多啦﹗
辭演新劇
原本 CNBLUE完成亞洲巡演之後，鄭容和會同李敏鎬、朴信惠合拍新劇《繼承人》，但早前，鄭容和以對角色不理解為由推咗唔拍喎。唔緊要，劇集睇唔到，去睇演唱會一樣啫。
留言列表
