close


嘉賓多多，全晚不停出場與太極合唱，令現場觀眾十分興奮。

相隔七年再踏紅館，太極同國際級的Lady GaGa撞到正，門券銷情嚴重受影響，更由原來計劃開兩場縮減為一場，搞手何麗全於是狂碌友情咭谷飛，一晚演唱會，嘉賓竟多達數十人，阿Lam、阿倫、草蜢、許志安、蘇永康、Mr、Rubber band、吳國敬，最終去飛成功，還準備開part II，食過翻尋味，嘉賓更會加入吳君如、Beyond。合眾之力，save太極！

 

無晒重心
○五年，太極加吳國敬紅館開三面台，反應一般；紀念組隊二十七周年，太極再踩紅館，觀眾由七千加到四面台的萬二。銷飛個多月，反應一直不理想，要搞手NOW何麗全盡碌人情牌。「其實搵咁多嘉賓撐場，會搞到個騷無晒重心，但啲飛去唔到，大堆頭嘉賓多係吸客唯一途徑！」一名製作人員說。今次演唱會，全男班嘉賓，粒粒巨星，林子祥、草蜢、許志安、蘇永康，個個名氣比太極大。「本來何麗全都有搵吳君如同莎莉，但兩個都撞啱唔喺香港，不過君如已經答應話如果太極開 part II，佢一定會到！」

唔出演唱會碟
至於跟太極好老友的阿Paul黃貫中，原本也答應撐場，但最終因Beyond唔齊腳作罷。
「如果阿Paul唔同Beyond一齊現身，好似無乜意思，但世榮喺大陸發展，佢哋幾個關係又麻麻，想齊人都唔易！」
嘉賓多，涉及不同公司，演唱會亦取消推出Live碟。
「本來想出Live碟幫補吓，但牽涉咁多個party，又有版權問題，好難搞得成。」一位製作人說。
嘉賓大堆頭，太極由主角變陪襯，但仍有不少觀眾嗌好！「多嘉賓好睇啲！」「無諗過啲嘉賓會咁勁！」
觀眾喜歡，就係good show！ ####

 


演唱會成功去晒飛，仲計劃加場，何麗全（右一）與太極在台上祝酒。


阿Lam打頭陣出場，為太極締造第一個高潮位。


阿倫在唱《愛情陷阱》，歌迷反應熱烈。


許志安、草蜢、蘇永康都已答應為太極演出part II。


太極主音歌手Patrick最有艷福，與性感女dancer跳辣身舞，更被摸勻全身。


太極、Mr、Rubber Band在台上jam歌，由於人數眾多，舞台燈光未能一一照清楚所有人。


太極是繼溫拿後，第一隊在紅館開足四面台的樂隊。


除了請來大堆頭嘉賓，黃栢高與崔建邦都有幫手拍短片撐太極。


吳君如身為太極成名作《紅色跑車》MV女主角，原本獲邀上台做嘉賓，但因身在外地，只能拍短片支持。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄