close

上星期時雨時晴，週末前夕更一度發出黃色暴雨警告，即使出現暴雨情況，仍無阻一班名媛、阿太出動晒乳。

何超雲 老翻仙度拉
賭王三房長女何超雲，於上週五出席珠寶品牌adler活動時，帶埋自己設計嘅頸鏈去義賣，「舊年喺英國街頭見到啲vintage嘢俾到靈感我。」漂咗白頭毛，再著住中門大開嘅MMM連身褲嘅佢，成個仙度拉（小圖）咁款，唔知係咪想向曾經都帶領過潮流嘅仙度拉致敬呢？

林青霞 出山
上週五珠寶品牌Cartier舉行晚宴，近年少見嘅林青霞都俾面出席，還帶同丈夫邢李㷧與前妻張天愛的女兒邢嘉倩到場，青霞更話：「成日喺屋企寫嘢好悶，出嚟玩吓。」本週日係母親節，林青霞話最難忘係大女邢嘉倩送俾自己嘅生日禮物（右圖），「用我本書封面印喺蛋糕上面，好感動，好surprise。」

胡郭秀萍 透bra
上週六紅十字會活動上，打扮靚靚著住粉橙色春裝的合和主席胡應湘太太郭秀萍，點都估唔到被閃光燈一閃，件衫通透到連內膽的淺色胸圍都現晒形，提起母親節老公同阿仔會點慶祝，她說：「唔使多姿多彩，平平淡淡就得。」

陳浩寧 天公造美
大家樂太子女陳浩寧，上週六與拍拖八年的男友趙益坤拉埋天窗。婚前一日落大雨，出嫁當日即放晴。一對新人認真慳皮，花車無任何裝飾，婚紗也是搵上環西港城的師傅做，夜晚又在西港城擺三十圍。點解揀平民化地方擺酒？新郎哥說：「因為呢度唔會拆。」寓意兩人婚姻永恒不變。

 

徐子淇 新抱政策
著住Versace白色晚裝裙嘅徐子淇上週五出席Cartier晚宴，裙襬開超高叉、胸部位置更現波底，夠晒性感，不過佢就唔多覺：「唔係呀，好高領。」講起珠寶，佢話除咗一啲有紀念價值嘅珠寶，其餘通通留俾新抱，已經諗定要行「新抱政策」，「因為女會返嚟身邊，會好嗲，仔會懶啲，就算我老公都係我扯佢先肯返屋企。」

梁慧恩 上岸
大家樂女在平民化地方宴客，本週日同拍拖兩年的富二代林忠澤結婚的RoadShow女主持梁慧恩，則在君悅酒店筵開四十席宴請親友，著住Noel Chu設計的婚紗的梁慧恩，問到有無家訓？新娘即嗲聲嗲氣話：「我洗耳恭聽。」新郎即接住說：「要孝順老人家。」 ####

 


超雲仲胸懷大痣。


大美人手上的21.8卡鑽戒價值近六千萬，𥋇爆。


花車只是普通平治，仲要老豆當助手整理婚紗。


有份做姊妹的霍英東集團行政總裁霍震寰女兒霍思緯，在婚宴上不時躲避鏡頭。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄