close


叻仔！返去煎鵝肝你食。（設計對白）有 Cally喺身邊睇住， Euro做「請請」動作都特別 happy，企咗成分鐘㗎！ 

媽咪姐

鄺美雲帶隊父子檔冧女

周日（ 5日），鄺美雲（ Cally）嘅寶貝仔 Cash十歲生日，佢帶埋孫仔 Euro齊齊去大圍護老院探訪老人家。身為狗醫生嘅兩父子，仲做埋表演嘉賓，𠱁得老人家勁開心！

 

當日時裝設計師何國鉦（ Dorian）亦帶埋狗女婷婷出動，見有女仔在場，兩父子好齊心，成日望實對方，連媽咪 Cally都話︰「哎呀！佢兩父子都鍾意婷婷，今日有啲分心。」但媽咪姐見佢哋跨欄、跳圈嗰陣，都好鬼落力，花式多多。個仔 Euro跳完，老豆 Cash又跟住做，爭住搶鏡！難怪𠱁得在場嘅婆婆哈哈大笑，連同行嘅訓練員都讚佢哋乖呀。


Cash好跳得見個仔 Euro起勢跳欄，老豆 Cash亦不甘示弱，隨後跟住跳，公公婆婆拍晒手。 

當日 Cash同 Euro兩父子做特別嘉賓，跨欄、跳圈、統統都做齊，真係冧死人咯！ 

Cally抱住 Cash周圍同老人家打招呼， Cash又出動招牌咀咀，錫咗婆婆一啖，𠱁得對方笑到見牙唔見眼。 

何國鉦帶埋狗女婷婷出席，搞到兩父子分晒心，影大合照嗰陣， Cash只顧住𥄫實隔籬女女。 

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄