開揚大廳客廳與飯廳位於地下，裝修以白色為主，設計簡潔舒適。花園與客廳之間是落地大玻璃，光線充足，增強空間感。
星悅居
靜音空間 孫穎
鋼琴家劉詩昆愛徒孫穎，畢業於南京藝術學院， 17歲開個人演奏會，不時獲邀到世界各地演出。 93年，她正式來港發展。 
經常到法國、維也納等地演奏的孫穎，在世界多個地方的家都放有鋼琴。「琴係每間屋唔能夠缺少嘅嘢，不過呢個琴啲音唔夠準，我只用嚟襯色。」相信只有專業鋼琴家才聽得出箇中分別。 
室內設計富時代感，亦不乏古樸文化氣息，皆因孫穎愛放古董擺設。擺放於客廳的白色大櫃中除了有書，還有珍貴收藏。她將小擺設放在數十元的太陽能轉盤上（小圖），隨轉盤慢慢轉動。而櫃上亦設有射燈，凸顯內藏珍品。 
簡約裝修
獨立屋樓高三層，地下是客飯廳、廚房和花園，一樓有三間房，頂層是天台。連埋花園，全屋面積 6千呎，但孫穎只用了十多萬布置度假屋，摒棄豪華裝修。「我想改變買幾千萬別墅，要用幾百萬裝修嘅觀念。其實簡約亦可以好有特色，生活中處處有非凡，唔注重細節，就算用咗幾百萬都變得平凡。」
踏入大門經過花園進入大廳，落地大玻璃穿透充足陽光，景觀開揚，極具空間感。屋內設計以白色為主調，簡單舒服。啡銀色英式梳化襯以透明型格茶几，集合時尚與古典味道，令整體感覺更富時代感。客廳擺放茶几和白色飾櫃，櫃內有不同題材的藏書與古董擺設，代替電視機。「冇電視變咗多啲時間睇書。呢度冇好大嘅書海，唔會有好攰嘅感覺。除咗有我自己嘅書，國畫大師黃永玉同喬布斯傳都係我近期睇嘅書。」
古董銀器櫃裏的古董銀器，由美國鋼琴家 Vladimir Viardo送贈，屬無價收藏品，孫穎唔捨得用。 
名師茶几獨立屋以冷色為主調，梳化旁邊是丹麥家具品牌 essey出品的 illusion透明茶几，帶出時尚味道。 
限量鋼筆「呢支筆冇得賣，係萬寶龍同某鋼琴品牌出嘅一支限量版筆，全球得 300支，用嚟送俾世界各地鋼琴家，好值得紀念。」果然有身份。
迷你玉琵琶孫穎除了是頂級鋼琴家，她的琵琶造詣亦相當了得，家中放有玉造的玉琵琶擺設，只有掌心般大。「呢個係朋友特別造俾我，只收咗幾萬蚊材料費。」 
廚房面積達 300呎，有巨型西門子雪櫃及 Gaggenau廚具。而掛於焗爐外的莫札特圍裙，當然用作觀賞居多。
無邊際睡房
花園面積達 3千呎，一片綠油油草地包圍整棟獨立屋。「呢度啲花花草草都係我入伙前揀，屋苑就幫我安排。」相信只有高尚住客才獲這種優質貼心服務。 
花費 5千萬購大型獨立屋的屋主，可獲屋苑送贈一套 Wedgewood高級杯碟，價值 6萬元。「根本就唔關乎價值，而係心意，俾人感覺好受到尊重，好窩心！」 
寬闊打坐室一樓主人房改為打坐室，孫穎放了兩張購自土耳其的波斯地氈。「地氈兩邊睇完全唔同色，由深到淺反差愈大，代表愈昂貴。 08年買萬 5蚊美金，依家要成 8萬蚊美金。」 
通透睡房孫穎將睡房搬到地下，雖然面積不算大，勝在夠開揚。「睜開眼就見到翠綠草地，好似置身外國咁，令人心花怒放，夜晚着晒燈仲好有童話 feel。」
私人藝術館
孫穎與師傅劉詩昆，早前出席鄭裕玲等人成立的「至八會」畫展。孫認為鄭的作品水準頗高，一口氣買了 5幅做慈善。「我以三萬八千買 5幅畫，跟住佢哋送多一幅俾我。」 
獨立屋花香處處，孫穎於房間亦放有乾花。「呢個花樽好特別，一睇就鍾意，我喺歐洲買番嚟，約 5千幾蚊。」 
講求生活中細節的孫穎，將客房改成閱讀室，放了購自宜家傢俬的木凳，牆邊放有幾幅畫和花，襯出另一味道。
百萬靚廁廁所於入伙時由發展商包辦，金碧輝煌，設計豪華。「佢哋 sell個廁所裝修幾百萬，不過咁 grand同間屋唔太襯，但我又唔想整爛再裝，太浪費。」 
孫穎家中物品融入不少音樂元素，連紙巾都有音符。「紙巾喺外國買，要幾十蚊一卷，一買買咗幾箱，太靚唔係好捨得用。」記者亦有摸過音符紙巾質感，與一般無異。 
天巒位於上水古洞，共有 300伙，其中 11幢屬王牌獨立屋，孫穎一人已擁有兩間。至於她購入的另外三間，則屬普通型獨立屋。 
Floor Plan 
撰文︰蔡靜雯
攝影︰潘啟德
錄像︰湯文峯
留言列表
