close


擘髀、互摷撫摸是Lady GaGa個唱中的指定動作，確實少少鹹，多多趣。

Lady GaGa在本週一尾場繼續在亞洲博覽館內開壇唱歌兼自摸，自命走在時代尖「啄」的上流人，怕唔睇隨時無talking point，老老嫩嫩輪流仆到觀摩呢位百變妖后，你睇年過半百的呂志和及潘迪生都趁墟，就知唔睇GaGa會被人話out啦。

 

無飛無faces
Lady GaGa 表演一向重口味，暴力、血腥又灑鹽花，附送粗口見怪不怪，甚至用香港區旗當圍裙。妖后敢作敢言卻又扮親民，主動走入香港fans堆中零距離合照，又常在twitter留言跟粉絲say goodnight。 GaGa歌路風格未必老少咸宜，但出奇地引來老中青三代，當中八十三歲的嘉華國際主席呂志和，玩嘢戴面罩入場，另外潘迪生夫婦由保鑣護送，問佢哋鍾意GaGa邊首歌都答唔出，唯有話「我嚟睇show」打圓場。佢位千金潘楚穎較正路，自爆儲晒Ga姐唱片，「我算係fans。」執輸行頭慘過敗家，二月撲飛潮，盛傳上流人認為無飛無faces，出現唔係fans都要睇的現象，其中何猷龍同老婆羅秀茵係其一，賭王仔話六歲獨生女何開梓先係粉絲，「個女太細，不過個show幾好睇。」利豐太子女馮詠儀亦係朋友送飛先嚟，「係李民斌請喎。」

愛靚唔愛命
Die hard fans好多著到古靈精怪做老翻GaGa，反觀上流人要顧全face唔同你癲，在ball場一向衣著前衞大膽的九巴後人雷禮權夫婦，是夜收斂唔夠放，只著bling bling短裙見人。另一玩得之人賭王四太女超盈，只著黑背心襯黑皮褲，頂多戴副在Joyce買黑超：「睇報紙見人有dress up，我咪戴超跟個Theme。」最貴千六元的有企有坐，著慣駁腳高踭鞋的闊太企足兩粒鐘唔怕發軟蹄咩？呂麗君換對船踭夠方便，溥儀眼鏡老闆娘邱李茂琪，幾歹要著GaGa都有一對的united nude 高踭鞋，「好辛苦，但為撐場都要死頂。」 ####

 


只係落樓見fans都整個燈罩紗帽見人，百變GaGa果然名不虛傳。


呂志和人老心不老，鬼馬地戴住面罩入場，不過八十三歲高齡，著波鞋揀坐位。


雷禮權同利蘊珍出名肯花心思玩不同造型，是夜朝見扮嘢一姐，二人都收起扮嘢本色，輕巧地玩金色bling bling閃爆你。


龍爪手是GaGa標記，她一出手台下fans舉爪和應。


潘迪生太太扮後生，著短裙矮踭鞋企足全場，而儲齊偶像CD的潘楚穎，亦入場面聖。


何猷龍太太著全高踭鞋un足兩句鐘，反而老公全身運動衫上陣，女人都是貪靚的。


超盈辯稱細妹超欣才是粉絲，無奈要留英國上堂，是夜代妹出征。


邱李茂琪刻意著跟GaGa（下圖）同款唔同色的怪獸鞋捧場。


身為人母的呂麗君無帶女兒盈盈，只著金色衫急步入場罰企。

arrow
arrow
    全站熱搜
    創作者介紹
    創作者 litalife 的頭像
    litalife

    818 娛樂八掛大放送★

    stacylife 發表在 痞客邦 留言(0) 人氣()

    E-mail轉寄