close


打令，走啦！（設計對白） 

社交圈

大方啲啦

出得嚟社交場合，就預咗俾記者影相、評頭品足兼問長問短，大大方方，總好過遮遮掩掩。

趙世曾　有新女

上週六音樂劇《辣身舞》在文化中心公演，趙世曾帶住個後生新女赴會，個女仔見有記者影相即彈開（箭嘴），問趙生女伴是否女友？「佢係我內地秘書孫小姐。」之後仲補多句：「佢以前喺中原做地產。」他的女兒趙式芝與楊如芯更早到場（右圖）， Gigi笑言：「大家 say咗 hi，冇特別介紹（女伴）。」問她趙生與 Sean有否破冰？「有打招呼，但冇傾偈。」幾時安排飯局？「要等大家 ready， Sean好少同男人傾偈，希望好快有呢日。」


林煒珽　未想結婚

林建名細女林煒珽上週四出席 Chloe活動，問佢最近做乜頻頻出嚟蒲？她大方話：「兩、三個星期前我同外籍男友（右圖）分咗手。」唔講都唔覺，因為見佢唔算太傷心，「我哋係和平分手，同佢都拍咗年半，佢卅幾歲好想結婚，但我得廿六歲，我想四年後先諗，大家想法唔同。」


王馨平　感受性感

Lady Gaga同已故戴安娜王妃都愛著嘅英國內衣品牌 Rigby& Peller，上週四搞咗個茶聚招呼一班阿太，平時舉止含蓄的王馨平見到幾款特色內衣，都忍唔住又摸又攬感受吓，「真係好靚，好性感！」當日佢趕住要走，但就捉住公關話：「我會再約時間落鋪揀番套。」

王曼喜　最矮嗰個

馬詩慧（右圖）同大女王曼喜上週四結伴出席 Lanvin旗艦店開幕，穿露肩短裙的曼喜毫不掩飾她左手手臂內側的紋身，問她會否入行做 model？馬詩慧搶白話：「 Daddy唔主張仔女入行，不過佢都唔夠高，佢係全家最矮嗰個。」




撰文、攝影：名人組

社交圈

 

歲月留痕

 

明星闊太穿金戴銀見人，其實都遮不了老態皺紋，呢種自然的歲月留痕，比整容更美，更耐看。

 

蘇菲亞羅蘭老而彌堅

 

意大利籍的蘇菲亞羅蘭（ Sophia Loren）上週六晚到圓方當 Damiani珠寶店剪綵嘉賓，舊式蓬鬆髮型，戴住大眼鏡仲整多副當老花鏡當頭箍，真正 old school，話晒七十八歲，同樣跟後生時一樣有腰有胸，只不過比例上放大咗。


鏡頭前她表演熱情，到訪問時可能接受不了港式貼身圍訪，保鑣係咁叫記者退後幾步，當記者一窩蜂遞上咪牌，她卻忽然耍手走人，仲要無人敢叫停，呢啲咪叫氣勢囉！咪埋嚟！（設計對白） 

汪圓圓阿媽似家姐


將於十一月嫁入豪門的汪圓圓，上週三帶埋阿媽（左）同阿姨去 Lancome活動，其實五十多歲的汪媽媽已是婆婆級，但身形媲美後生女，更經常借阿女衫裙著，未知是否在街曾被人撩，所以叫阿女唔好落街跑步，「點保養？心境開朗，夠休息多飲水。」

 

李美鳳面滑手皺

 

以闊太姿態重回香港社交圈的李美鳳，龍鳳胎都已十五歲，佢嘅身形同面部皮膚都跟廿年前（右圖）無乜點變，唔講唔知她年已半百，唯手腳的乾紋青筋出賣靚太。上週四晚她穿低胸裙索爆去 Lavin新店開幕，但她自嘆不夠精力同仔女旅行，「我哋玩到上天下海，個身痛了幾日。」



何超瓊開胸唔開口

 

同樣都是五十歲的何超瓊，膚色雖比李美鳳白一截，但皮膚日漸鬆弛，頸紋愈來愈深，更出現雙下巴。不過大家姐行出來的霸氣同自信，比整容後的阿太膠樣更吸引，只可惜她近年只接受財經記者訪問，社交場合就寧願露心口都唔開口。




撰文、攝影：名人組

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄