close
同你吟一吟
舒淇公仔陪搭長途機
上星期五（十九日），香港傳媒集齊赤鱲角機場，送去北京公幹嘅郭富城同去韓國散心嘅熊黛林機，分手男女各有各飛，同日出現機場仲有一家五口嘅阿 B范姜，單拖上路嘅 Eason同舒淇。
唔係做嘢唔化妝嘅舒淇，搭機更加乜色都唔上，更何況係飛美國嘅長途機。坐十幾個鐘妝同仔都可以冇，不過，公仔就一定要有，又馬騮，又米奇，打孖上！至於坐頭等，歎香檳，呢啲就例㗎啦！
只係馬騮攬住米奇，八珍無法聯想係馮德倫攬住你囉！
手袋掛住隻 bling bling米奇，上到機，舒淇再攞多另一款米奇加埋隻 monkey同自己合照，放上微博。 
撞見記者，冇化妝嘅舒淇下意識拉低頂帽。 
阿 B范姜帶住大女嘉晴同兩個著姊妹裝嘅細女去度假。
撰文：八珍
全站熱搜
留言列表
