close
今次唔使諗計谷劇啦！（設計對白）係喎，叫苟姑娘喊咪得囉！（設計對白）疑似小三苟姑娘做宣傳扮晒慘，身邊鄧萃雯伍姑娘冇佢咁好「戲」。
同你吟一吟
《金枝貳》是非造勢
戚其義、周旭明呢對孖寶兄弟响無綫嘅告別作《金枝慾孽貳》終於打到嚟，劇情以陳豪伍詠薇鄧萃雯三角戀為主打，同劇演員仲有被指做小三拆散熊黛林城城嘅苟芸慧，上個禮拜三（四月十七日）開壇做宣傳，演員多記者更多。
苟姑娘被圍問小三風波，當日自薦拍《金枝貳》嘅伍姑娘，同樣唔得閒，事關佢位前契細佬陳山聰冧番掂賭王千金何超雲，但伍姑娘回應都係嗰句： No comment。
是非新聞仲有陳豪，有傳女友陳茵媺喺馬來西亞拍無綫新劇《單戀雙城》俾南亞裔臨記抽水，同場嘅陳展鵬楊明居然袖手旁觀，搞到豪嫂打電話返香港同 honey哭訴。
雖然陳茵媺已經否認事件，但陳豪話初初睇到報導都嬲嬲哋，後來知道冇件咁嘅事，個心安樂晒。
嘩！有咁多是非幫手谷劇，《金枝貳》點都頭威頭勢啦！
陳豪即場同崑曲老師練多次先表演。 
陳豪關禮傑在台上示範崑曲，台下鄧萃雯唔係同伍姑娘吹水就係喪笑，有啲唔尊重喎！ 
撰文：八珍
全站熱搜
留言列表
