開飯前,張嘉兒先去買 嘢撳錢才自到餐廳;食完飯,鄧健泓細心幫手攞嘢。

同你吟一吟

鄧健泓冇得鋸扒

2013年01月31日 ~~ 第1195期 香港《壹周刊》

被前度女友龔嘉欣公開鬧花心 嘅鄧健泓,近排同「豬扒港姐」張嘉兒愈行愈埋,上個禮拜二(一月二十二日)晚,兩個再次行埋去尖沙咀食日本菜。
唔想俾人發現,戴鴨嘴帽嘅張嘉兒全程頭耷耷,反而鄧健泓就大方到連帽都懶得戴,甚至大街大巷都同對方並排行。

食足兩粒鐘,行返去金馬倫道搵代客泊車攞車,其間張嘉兒一直匿埋轉彎位,等鄧健泓搞掂先齊齊上車走人。
同上次一樣,想飽暖返歸度春宵都俾記者發現。鄧健泓做司機,發現俾人跟,焗改 plan送張嘉兒返去將軍澳屋企。
又俾人破壞好事,鄧健泓離開張嘉兒寓所停車場時,一度行埋《壹》仔採訪車,問係邊間報館。個個禮拜都俾人影到出街見面,偏偏鄧健泓口硬唔認鋸扒,其實大大方方,咪有消夜豬扒你食囉!




去到人多地方,張嘉兒刻意低頭行,反而鄧健泓冇女友咁多小動作。


攞車期間,張嘉兒刻意企埋轉彎位,等鄧健泓(箭嘴)同泊車仔吹陣水,先一齊上車。


明知後面有記者,鄧健泓唯有送張嘉兒返屋企,再自己一個返歸。



撰文:八珍

arrow
arrow
    全站熱搜

    tvb4life 發表在 痞客邦 留言(0) 人氣()