大包小包的「表叔」一現身，參加「光復香港」活動的市民即衝前包圍指罵，高叫「水貨客可恥」。中港矛盾撕裂激化，多得政府放生水客。

城市打游擊

水貨賊　滾！

2013年01月31日 ~~ 第1195期香港《壹周刊》

年近歲晚，水貨客愈見猖獗，奶粉一罐難求，食物及衞生局局長高永文連日來卻堅稱奶粉供貨充足，更呼籲港媽加入「媽媽會」以保證每兩週「配給」三罐奶粉，荒謬如戰時油糧票配給物資！港人在自己主場不單買不到奶粉，連洗頭水、金莎朱古力、原子筆、 Air Jordan波鞋都被狂掃上大陸，百佳、惠康、萬寧及價真棧成為中港矛盾的戰場，港人怒吼：水貨賊，滾！

二十多歲的新手媽媽 Karina被奶粉荒殺個措手不及：「 BB而家三個月，主要飲人奶，我哋唔知奶粉真係咁難買，我哋喺將軍澳周圍撲美贊臣 A＋ 1，藥房、萬寧、屈臣氏、華潤、吉之島，全部都無！出動到教會朋友跨區搵都係無！最後惟有轉食貴成百蚊、無人爭嘅雅培。 BB咁細就要轉奶粉，佢而家啲大便都係青色（因為腸胃不適應）㗎！」
上週六，記者與 Karina一同到將軍澳商場買奶粉，情況依舊，奶粉一罐難求。 Karina丈夫說：「結婚時買樓俾大陸人搶貴晒，太太佗 BB時想去照結構，都因為有人一早拎晒籌賣俾大陸人，搞到差啲照唔到，而家奶粉又要爭，真係擔心 BB大個咗要爭學位，咩都要爭先有。」

政府任由水貨客癲搶奶粉，市民自發到旺角東站截擊水貨客，即使「殺錯良民」亦在所不惜：「政府唔做嘢，我哋自己做！水貨賊滾出香港！」

「呢排成日有啲大陸口音嘅人嚟買奶粉，六七十歲仲大大聲話自己生咗雙胞胎，點知轉頭就喺門口轉交俾水貨黨！後來我唔賣俾佢，佢哋竟然喺門口大吵大鬧，恐嚇叫我『因住嚟』。」在樂富經營四十多年街坊生意的藥房，因拒絕賣奶粉給水貨客的張小姐，最後搞到報警求助。

Karina撲奶粉撲到驚，即使女兒只有三個月大都寧願轉奶粉，避開水貨客熱搶品牌，確保女兒日後有啖好食。

買不到奶粉餵 BB的港媽例子，俯拾皆是。細仔歲半、居於觀塘區的林太憶述十年前大女出世，不用撲奶粉的日子：「以前藥房仲會話買六罐送玩具促銷，而家我一知邊度有得賣，就要問佢可以俾幾多我！政府仲話奶粉無缺貨，叫媽咪唔好加入搶購，我想問佢其實有無去睇過㗎？我估佢無囉！」

金莎　沐浴露照搶

內地客攻陷沙田「價真棧」，港人李先生在門外鬧爆：「呢度係香港，應該港人優先買嘢！如果淨係做大陸人生意，不如搬返大陸啦！」

林太怒吼，強國人乜都搶，年近歲晚，更蜂擁到港搶辦年貨：「好似金莎咁，「價真棧」平超市廿蚊，我哋啲師奶梗係想慳得就慳，但而家「價真棧」成日都咁多人，真係好誇張！惟有去貴啲嘅超市辦年貨，帶住個仔仲走入去逼咩……價真棧啲大陸客真係一車車咁買嘢，其實係咪真係需要買咁多先？」
週日下午，沙田中心的「價真棧」內外擠滿數十人，店方要實施分流，買嘢要先攞籌。長長的人龍，逾九成半是內地客，全副戰鬥格拉着車仔一擁而上，專攻金莎、樂家杏仁糖和海味等，搶完即在店外就地「 pack箱」，店員和商場保安不斷驅趕，這班強國人才肯移師商場外。
記者在「價真棧」門外與港人做街訪，結果愈圍愈多人，大批市民主動大吐苦水。居於馬鞍山的李先生連續兩天辦年貨，但都被內地客逼走，他當場鬧爆：「我想買盒果仁過年啫，尋日去旺角已經入唔到，而家沙田又係咁，有無咁誇張呀！呢度係香港，應該港人優先買嘢！如果淨係做大陸人生意，不如搬返大陸啦！」

衝擊升溫　中港對立

愈來愈多港人仇視搶奪香港資源的強國人，年輕一代更明言中港融合在他們眼中，根本不可能，只管高叫「蝗蟲躝返大陸」。

面對強國人狂搶奶粉，港媽自發成立「幫幫港媽買奶粉聯盟」，鼓勵港人向相熟藥房購入奶粉，再以原價轉讓給缺貨的港媽。發起人梁太謂：「連澳門都出招幫自己人，我哋嘅政府就偏偏唔做嘢，如果連我哋都唔出嚟幫手嘅話，試問湊住 BB嘅港媽，又點搶到奶粉呢？」
政府束手無策，港人反抗亦愈來愈激。經常高舉龍獅旗遊行的香港自治運動成員週日在旺角發起「光復香港，還我奶粉」運動，一個下午已有逾千人簽名支持。他們以身阻截拖着手拉車的水貨客，高叫「走私賊可恥」、「走私兵團淹沒香港」，甚至無厘頭辱罵對方為「支那豬」，場面火爆，更要警方介入調停。
民怨升溫，中港衝突陷入白熱化，一班高官不正視，港人想安定過年都難！