探熱針
貓狗奴 掃屎洗籠 Fiona做義工大掃除
愛心爆棚的薛凱琪媽咪，在新界闢地收養照顧過百隻流浪貓狗， Fiona不時會隨母到狗場，幫手做義工。日前她帶領近四十名 fans，到場為貓狗大掃除。
掃屎洗糧兜洗籠， Fiona落手落腳，唔怕污糟；讓流浪貓狗乾乾淨淨過年。
全套服務
掃乾淨啲呀！（設計對白）
Fiona攞住掃把執「狗金」，身旁黑狗諸事八卦，睇實 Fiona做清潔。
家有三隻貓的 Fiona，最細一隻只有兩歲的 Tissue最近因心臟病離世，心情未平復的她，日前吹雞嗌埋大班 fans，組團到她媽咪多年前，與友人合資在新界搞的流浪貓狗場做義工。
戴住圍裙的 Fiona好熟手，先清潔籠內大小二便，繼而清洗糧兜，接着用大水喉噴水洗乾淨狗籠，最後噴上消毒劑，全套服務一手一腳。完成清潔工作後， Fiona攞住雞肉餵狗，更任由牠們撲上身。
身為愛貓族， Fiona入到貓屋，見到特別黐身的貓貓在她腳邊打圈撒嬌，即時笑晒，愛貓病逝的她說未有領養貓咪的打算。
熟手技工
洗完糧兜， Fiona再在狗籠外圍噴消毒劑。做完晒所有清潔工作後， Fiona才跟 fans合照。
呼籲收養
「 Tissue啱啱走咗，遲啲先再考慮。不過我養啲貓全部都係執返嚟，希望大家如果想養（貓），嚟呢度領養，有好多貓有病，有啲身體仲有缺陷，好需要人照顧。」
薛母與友人在新界合資收養流浪貓狗場已有多年，所有開支包括照顧牠們的工作人員薪金，以至場內任何設施及睇醫生等，均是薛凱琪媽咪與拍檔自費。「其實我都唔知可以捱到幾耐，暫時無諗到咁長遠。呢度好多貓狗都有病，因為資金有限，大多數都係幫佢哋搽吓藥，唔可以吓吓睇醫生。希望善心人捐助吓，或者動物診所可以收平啲，最好當然係希望可以有好心人收養啦！」薛母說。
入到貓房，部分貓咪驚到跳上籠頂， Fiona只能遠觀，唔敢用手摸。
Fiona買了大量膠板，讓狗狗在寒冷天氣下不用瞓地捱冷。
開心玩狗
豬都養埋
年前有主人被騙買下「迷你豬」，點知愈養愈大，迫於無奈送到狗場，自費飼養及照顧。不過上星期肥豬因癡肥四肢乏力，現已送到漁農署。
偷食
Fiona把雞肉放在地上，有為食貓乘機偷食。至於烚雞肉留下的雞汁，薛媽會用來撈飯俾動物食，味道可以更香口。
串燒三兄弟
扭摸
留言列表
