唵嘛呢叭咪吽！
（六字大明咒）

社交圈

尷尬

2013年01月31日 ~~ 第1195期 香港《壹周刊》

世界真係細，名人社交圈比世界仲要細，拍拖分手再在社交場合撞番，尷尬？總有人唔知俾咩反應好，但亦有名人在鏡頭下就算做善事，都覺得渾身不自在，唔該大方 啲啦！

鄭家純太太　思縮




新世界發展主席鄭家純太太葉美卿，上週六隨大隊出席大寶法王泰耶多傑（圖）帶領的放生活動。呢個富豪徒弟全程黐住法王，但就十分避忌，一見鏡頭就擰歪面。據知鄭太除了捐錢起廟，亦有份包起法王來港的幾百萬經費，又安排他入住夫家的君悅酒店，難怪可以做貼身徒弟啦！ 




放生時，只有鄭太能貼實法王，她就象徵式托吓籃底扮放生。



鄭志剛　阿爺免問




阿媽日日參佛，阿仔鄭志剛和新抱余雅穎本週日就現身馬場，獲 Kent& Curwen Lion Jack Club封為榮譽會員，但見記者時就快步入場，要由品牌董事總經理、馮國經女兒馮詠儀再請出來。問鄭志剛有何新年願望？「身體健康。」但問及爺爺彤叔的健康情況，他就耍手說：「唔講啦！」 

袁潔瑩　唔講密友




本週日出席大寶法王謝師宴的袁潔瑩，與好友羅明珠到場，原本佢仲肯停低傾偈，「兩年前我已經皈依 咗。」但問到是否跟名媛榮文蔚的姑仔阮嘉欣，結束七年同性密友關係時，她即避而不談，羅明珠仲拉住佢速逃。 

邱詠筠　舊愛面紅


邱德根孫女、帝盛酒店集團總裁及執行董事邱詠筠（右圖左），上週五贊助香港管弦樂團「經典百老匯」音樂會，嘉賓中仲有她的舊愛、前特首曾蔭權幼子曾慶淳，不過曾生好怕醜，最初避來避去，只肯跟詠筠兩位妹妹詠賢和詠麒合照（左圖），記者再三要求，他才埋去同舊女友影相，仲尷尬到臉紅耳赤，問邱詠筠拍拖未？「睇緣分。」跟曾生是否再見亦是朋友？她笑而不答。





邱達根　扭擰夫婦




遠東控股國際主席邱德根孻仔邱達根，上週四晚和太太蘇健恩出席《人再囧途之泰囧》首映，佢 哋起初唔肯企定影相，見愈嚟愈多攝影師圍住，佢哋先乖乖企定黐埋影相，唔通素顏邱太唔想見人？ 

郭富城　真假一哥




郭富城以品牌大使身份於出席 Kent& Curwen百周年紀念短途盃。本身是馬主的他，其愛駒「愛的呼喚」在另一場賽事出賽跑第三，他呼籲馬迷切忌「 瞓身」，「我只會買幾千元支持吓。」當日大會忽然搵嚟前警務處處長曾蔭培同城城合照，佢哋話城城曾在電影《寒戰》飾演過一哥喎，好彩兩位「一哥」都無尷尬唧。 

潘楚穎　嘴角含春




潘迪生的女兒潘楚穎，與外籍男士結伴到馬場，兩人雖沒有拖住手到場，但要求影合照時，潘楚穎表現得好矜持，低頭微笑入場。追問男伴是否她男朋友？她細細聲答：「係呀！」 

撰文、攝影：名人組

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄