close
句句金
句句金
「金句王」黎明喺雷頌德演唱會上,又有新作:
喺個騷成日話多謝啲工作人員,其實係唔啱㗎,佢哋有糧出㗎嘛!
咦,乜咁似早前「美麗裁判官」沈智慧寸警員成日用服務社會做求情理由嘅金句:
「 they are well paid for it!」嘅?嗱, Leon,今次有少少抄橋喎。
好在叫得「金句王」,總有兩手準備! Leon失驚無神又話:
政府部門成日話嚴肅處理,其實咁講又係錯㗎,嚴肅係表情,唔係態度。
Well,即係咁,根據由細查到大嘅《中華新字典》解釋,嚴肅有鄭重、莊重的意思,並提供埋例句:「態度很嚴肅」!黎天王,你係咪睇錯咗本《金句字典》呀?
台灣女子組合 S.H.E在台北開演唱會,自大前年燒傷後首次出騷的任家萱( Selina)忍着淚說:
現在我可以跑、可以跳,這兩年八個月學到的事情是,只是活着就不要放棄!
大道理,從來知易行難。
呢句話由堅持到底嘅 Selina講,特別有力!
劉浩龍被問到最近經常被影到同女友容祖兒撐枱腳,佢騎呢回應話:
有飯食最好,藝人成日要減肥冇飯食,我已經唔係肥龍,瘦咗好多!
民以食為天,媽咪姐 buy呀!但你自稱愈食愈瘦,驚唔驚人哋話天后無俾飽飯你食先?
TVB新節目《星夢傳奇》,放煙霧伴李璧琦出場唱歌劇,俾評判巫啟賢寸爆:
TVB慳啲啦,好貴㗎啲煙!
唱歌劇連室內溫度都要調節得好好,唔可以有煙㗎!
嗯,今次 TVB同啲煙一樣,兩個字,𤓓咗!
全站熱搜
留言列表