吳彥祖：Lisa 已 懷孕 吳彥祖 蛇王1年 湊蛇B
■吳彥祖前晚在微博公佈Lisa懷孕，預產期是明年6月。
吳彥祖跟名模Lisa S.兩年前在南非完婚，他們直言生兒育女是結婚的使命之一。兩年後任務終達成，他們分別在微博公佈Lisa S.已經懷孕，預產期是明年6月。吳彥祖表示會先完成手上兩部電影，待太太產後會停工一年專心湊B。
■Lisa S.成功懷孕，吳彥祖開心到跳起。微博圖片
吳彥祖（Daniel）跟Lisa S.拍拖八年後，選擇在南非一個森林舉行婚禮，他們不諱言結婚其中一個動力來自生兒育女，經過兩年努力，Daniel跟Lisa分別在微博宣佈已經有喜超過三個月，Daniel前晚寫道：「給我的好朋友、影迷和各傳媒，我向大家公開宣佈我的美麗妻子Lisa已懷孕和預產期是明年的6月。多謝大家一路以來的關心和祝福，我倆很興奮期待人生的新一頁。」同時貼了一張二人的鬼馬合照，相中Lisa端莊地坐在前面，站在後面的Daniel則開心跳起，表達將為人父的喜悅心情。
Daniel昨日透過助手表示，目前兩公婆的心情是既興奮又鬆一口氣，他說：「始終都有壓力，因為都結咗兩年婚，爹哋媽咪年紀都80幾同70幾，自己又係家中獨子，姐姐都有自己嘅細路，今次Lisa生埋BB可以話係美滿。」
【今日我至囍】Lisa S.同吳彥祖結婚兩年終於有喜，仲要老公話明會停產陪足佢一年湊BB，自然喜上加喜，難得鬼妹仔入鄉隨俗懷孕未夠三個月唔敢出聲，寧願硬食俾人話肥，難得！資料圖片 被指發胖感委屈
Daniel表示太太在懷孕初期一直備受委屈，因為一直給朋友笑胖了很多，但因為懷孕未夠三個月，依照中國人習俗不敢透露有喜，現在可以大方承認。Daniel表示下星期將開拍林超賢導演的電影《逆警》，之後再完成電影《竊聽風雲3》後已差不多到預產期，之後他打算停接電影一年，全心全意湊BB。
採訪：李森
Lisa S.佗 B 吳彥祖停工侍產
吳彥祖（Daniel）與太太Lisa S.婚後一直恨生BB，外間亦多次傳出Lisa大肚的消息，可惜只聞樓梯響，搞到Daniel心急得四處找尋生B秘方。努力了兩年多，Daniel昨日凌晨終於公布Lisa懷孕3個月的好消息，並難掩興奮之情跳起來！為了老婆和BB，由明年6月開始，Daniel更不惜停工一年，全職做湊仔公！
吳彥祖與Lisa結婚兩年半，一直恨生BB，兩人難掩喜悅。（資料圖片）
型男吳彥祖與名模太太Lisa S.結婚兩年半，一直恨生BB，Daniel更不諱言曾四出尋找生仔秘方，努力了兩年多，Daniel昨日接近凌晨時分，終於在微博公布Lisa懷孕的喜訊！他興奮表示：「給我的好朋友、影迷和各傳媒，我向大家公開宣布，我的美麗妻子Lisa，已懷孕和預產期是明年的6月。多謝大家一路以來的關心和祝福，我倆很興奮期待人生新的一頁。」換言之，Lisa已懷孕三個月，在微博的相片可見，Lisa坐在樓梯上甜笑，快將為人父的Daniel就在她背後開心到跳起。其後Lisa亦在社交網站上自行宣布懷孕，坦言非常期待人生的新一頁來臨。
留港分娩 6月生蛇B
Daniel昨日接受本報訪問時，仍難掩喜悅之情，他笑說：「終於可以鬆一口氣，因為夠三個月可以講嘛，Daddy媽咪一直都想我哋有BB，依家有咗，好興奮，真係好興奮！」提到BB性別，Daniel指要過多一個月才知道，但仔女都沒有所謂：「我之前講笑話想生仔，因為驚生女會畀人呃，其實仔女都係自己嘅，所以冇所謂。」他又透露太太將會留港生產，因為他上網查過，發現香港是全球最佳生BB地方的第六位，全亞洲來說，就排行第二位。
吳彥祖與Ｌisa 2010年在非洲舉行婚禮。
至於會否多陪伴太太？Daniel即自爆明年六月開始，就會停工一年，全職當好丈夫和好爸爸，據知Daniel現時片酬為六百多萬港元，但為了太太和BB，不惜推戲，他坦言：「在港拍埋林超賢新戲同《竊聽風雲3》，拍到6月，就唔會再接電影。（送咩畀太太？）喺外國太太生完BB，老公係要送禮物，所以我都諗緊送乜。」屆時亦會找陪月陪太太。至於Lisa，就不約而同表示鬆一口氣：「夠三個月可以講得，之前朋友話我肥咗，我又唔講得原因，好無辜。」
好胃口冇嘔 明日見人
而Lisa所屬的模特兒公司經理人就回應：「Lisa冇特別工作調動，佢又唔係artist，佢會keep住星期六喺電台開咪，活動都會照接，星期三仲會出席時裝活動。（佢有冇肥咗？）佢之前太瘦，依家係圓潤同飽滿咗，但唔肯定磅數。（有冇大肚婆反應？）見佢幾次都冇嘔，但食多咗嘢。（佢前男友Adrien Brody（《鋼琴戰曲》影帝）有冇恭賀佢？）你哋（記者）太多問題，星期三佢會一次過答。」
此外，時裝設計師張潔雯（Bonita）昨日為將於下星期舉辦的《世界時尚天橋2012香港》，進行模特兒面試及試身。她透露該活動將於尖沙咀海濱長廊進行，更獲得一眾名模好友支持，剛懷孕的Lisa當日亦將會參與行騷。對於Lisa懷孕一事，她笑言：「我知呀，我哋通咗電話。我應承一定會加強保安，等佢行得舒服同安心！真係好恭喜佢！」
名人組 吳彥祖蛇王1年湊蛇B
型男吳彥祖與名模太太Lisa S.結婚兩年多以來，四處尋求生仔秘方，甚至連Sex Pose（造人體位）都試，最近終於得償所願！吳彥祖前晚在微博宣布老婆懷孕3個月，預產期為明年6月！升呢準爸爸的他High爆，完成兩部電影後便會陪老婆生蛇B兼停工1年，見證BB成長！
兩年多前在南非結婚的吳彥祖（Daniel）及名模Lisa S.，雖然婚後各有各忙，Daniel經常北上拍戲，但二人從未將生仔大計擱置，一有時間就密密造人！Lisa不時在公開場合談及生仔大計，揚言有很多生仔秘方及食療，更自爆與老公會試Sex Pose（造人體位）！而Daniel亦直言恨做老竇，今年7月他承認為生BB看中醫調理身體。兩人終於得償所願，前晚Daniel公布太太有喜3個月，推算之下是於9月「中獎」，可喜可賀！
留港生BB
現年38歲的Daniel於前晚11時41分，在微博上載一張與Lisa的「報喜照」，由於近日天氣寒冷，剛有喜的Lisa亦穿上皮褸長褲包到實，並坐在樓梯間，而準爸爸Daniel則在其背後興奮跳起，看來開心過攞影帝，並留言：「給我的好朋友，影迷和各傳媒，我向大家公開宣布我的美麗妻子Lisa已懷孕和預產期是明年的6月，多謝大家一直以來的關心和祝福，我倆很興奮期待人生的新一頁。」隨後Lisa亦在微博及Facebook公布喜訊，獲大批好友及粉絲祝福。
Daniel昨日接受本報訪問時仍笑不攏嘴：「終於鬆咗一口氣！可以講出嚟，因為夠3個月喇！我哋嘅父母一直好想有BB，依家有咗真係好興奮、好興奮！」他表示現時仍未知BB性別，但他曾在訪問時表示想生仔，因為擔心女兒長大會被人呃，如今他卻轉口風表示仔女也沒所謂：「其實我講吓！仔女都係自己，所以冇所謂！（喺香港生？）係呀！我上網Check過，香港係全球生BB最好嘅第6位，亞洲嚟講已經係第2位！」
拒透露芳齡
近年除拍電影更做導演及監製的Daniel，自爆待BB出世後，將停工1年做湊仔公：「依家拍埋林超賢新戲同埋《竊聽風雲3》，拍到出年6月底，到時可以陪太太，停工1年！（送禮物畀太太？）外國嘅太太生完BB後都收禮物，所以我都諗緊，亦會搵陪月陪太太！」而Lisa也為懷孕而感到開心：「我都鬆一口氣，因為未夠3個月唔可以講！之前朋友話我肥咗，好無辜！」雖然她大方公開懷孕，但她的歲數卻極為神秘，坊間傳她的年齡足足有4個版本之多，由35歲至38歲不等！模特兒公司只肯透露Lisa於5月26日出生，但對年份仍秘而不宣：「佢年年16歲！」
第一手消息請下載on.cc東方互動iPhone/iPad/Android Apps
專案組 
全城熱話：群模爭做契媽 22,691
Lisa S.與吳彥祖宣佈有喜，模特兒好友們預言金童玉女的出品必屬佳品，陳嘉容和Rosemary更想做BB契媽。
陳嘉容：
「噚日收到佢個訊息，佢有咗三個半月，戥佢超級開心，上星期見到佢覺得佢有少少孕味，個身多咗肉，以為旅行完肥咗，佢皮膚由裏面發光出嚟。佢話呢兩、三個月喺香港，唔知係唔係留港待產，BB一定係超級得意、靚同超高，會提議做佢契媽，唔知佢哋興唔興。」
Rosemary：
「好開心，男友家庭製造BB衫，知道需要好特別的質地，BB衫是好禮物，如果他們叫我做契媽是我的榮幸。」
Jocelyn：
「為他們高興，喜歡買BB用品，會買衫畀佢。」
Jocelyn老公Anthony：
「為地球帶來最漂亮的人類，展開人生新一頁，要問吳彥祖點做，想跟他的步伐去開展另一頁，要留多點時間去做。」
貝安琪：
「好開心呀，恭喜，一定會係靚同得意嘅BB，佢兩個都靚同聰明，baby shower可以送美式大蛋糕。」
Jessica C.：
「恭喜將會有個漂亮BB，我送上飛吻，我可以做保母，收費廉宜。」
何紫綸：
「Lisa係師姐，行騷時覺得佢好靚，我由細至大都對吳彥祖有幻想，見到會心跳，個BB一定非常靚、高同標緻，係件圓滿嘅事。」
陳君宜：
「會發短訊或微博恭喜，會送衫。」
人們常說年過35歲便是高齡產婦，故大家即時相當關注Lisa是否高齡產婦。於網上搜尋資料，有不少內地網站指她的生日為1974年9月30日，即38歲。而維基百科則指她的生日為1975年5月26日，即37歲。但翻查舊日報道，她今年的年齡該為35歲。本報就Lisa真實年齡一事致電其經理人求證，她回應：「Lisa嘅生日日期係5月26日。（佢係咪35歲？）Lisa成日話自己係16歲。」據知Lisa的真實年齡為35歲，但她從沒公開表明自己幾歲，非常神秘。
Lisa上月尾出席活動時，面圓圓已見孕味。
對於吳彥祖與老婆Lisa S.得償所願，做蛇年父母，堪虞學家陳子才表示BB將甚旺父母：「吳彥祖嘅命格屬木，所以生仔嘅機會高啲。而且囝囝會旺爸爸嘅名氣，亦會旺媽媽嘅工作同合作運。」至於大肚婆有何禁忌，他表示：「唔好搬屋或者擒高擒低，因怕動胎氣。亦唔好裝修，因怕BB塊面會有破損、疤痕。」
陳子才
Lisa早前在博客透露睇Rock騷，婦產科醫生余啟文表示孕婦不宜到人多擠逼的地方：「因為空氣唔流通，孕婦會易暈。而到人多嘅地方亦易患傳染病，（睇騷時音響太勁會否影響胎兒？）因為胎兒要到16周先有聽覺，所以影響唔大。」
Ana為大肚婆學煮補身餸
好姐妹Ana R.、生意拍檔琦琦等均戥Lisa高興，煮得一手好餸的Ana揚言要學煮適合孕婦的餸菜給Lisa補身，Ana說：「佢好鍾意食我煮嘅嘢，依家佢大肚，要注意飲食，為咗BB更健康，我會開始學煮啲啱孕婦食嘅餸菜畀Lisa補身，佢今次懷孕真係好口密，唔好話Daniel，我都開心到跳起。（會否認BB做契媽？）暫時唔會，因為美國人好少搵朋友做契媽，通常會搵啲親戚做。」
而與Lisa一齊合資搞網站生意的琦琦開心說：「佢哋一直都想要BB，超級戥佢哋開心，生出嚟一定超級靚仔靚女。本來約咗Lisa喺美國返嚟食大閘蟹，依家大閘蟹宴要延遲一年。（會否減少Lisa工作量？）佢係工作狂，我幫佢做多啲冇問題，等佢老公叫佢唔好做咁多嘢。我會親自設計特別嘅首飾畀BB。」
而Jocelyn與老公Anthony出席活動時表示：「好戥佢哋開心，恭喜佢哋，（幾時到你？）未住，coming but not that soon。」Anthony則說：「要向吳彥祖請教，要開始諗吓生BB呢樣嘢，我哋都需要跟隨佢哋步伐，展開人生另一頁，要開工喇！」至於師妹Jessica C.表示可以做保母：「可以收好平，我好鍾意小朋友，我鍾意攬、錫、聞BB，但我唔想有BB，男友就唔鍾意BB喊。」
Jessica C.
Jocelyn與老公Anthony
娛圈模界好友送祝福
吳彥祖和Lisa S.在娛樂界和模界立足多年，兩人人緣甚佳，故當得知Lisa有喜後，多位模特兒都想自薦做BB的契媽。
Rosemary：好戥佢哋開心，要傳短訊恭喜佢，我男友家人嘅工廠係做BB衫。（搵佢個BB做代言？）好提議。（做BB契媽？）如果佢搵我，我好榮幸。
陳嘉容：尋日（前日）我已經收到Lisa嘅短訊話有咗，我超級戥佢開心。上星期見佢已經覺得佢肥咗，有少少孕味，我以為佢去完旅行發福。佢話呢排會留喺香港，唔會周圍飛，可以隨時搵佢，佢好relax，（做BB契媽？）唔知佢興唔興，都可以提議下。
陳君宜
貝安琪
陳嘉容
何紫綸：Lisa係我師姐，吳彥祖係我偶像，佢哋係金童玉女，生嘅BB一定好靚好高。混血兒BB一定好靚，我都要努力搵個外國男友。
貝安琪：好開心，（送乜禮物？）可能會送蛋糕，女人大肚時好多嘢唔食得，等佢生咗，請佢大食一餐。（做ＢＢ契媽？）我諗大把人排隊等住做。
陳君宜：我剛喺外地返嚟，唔知佢有咗，我會傳短訊恭喜佢，一定會送禮物。（你自己幾時生？）我想遲啲先。
楊千嬅：戥Daniel開心，知佢想生ＢＢ好耐，佢要小心Lisa身體，因為天氣凍，我舊年都係呢個時候懷孕，所以要好小心保暖，唔好凍親媽咪，最緊要陪多啲Lisa。如果佗仔，Daniel要多啲望住Lisa，相反生女Lisa就要多啲照鏡，佢兩個咁靚，生出嚟嘅BB一定好靚。
馮德倫：Congrats bro！
李小璐：可不是嗎！和我同月同日同一個血型的Daniel同學，Lisa和你的性格那麼好一定是個完美寶寶。
李冰冰：恭喜啦！你倆的小孩得好看成甚麼樣兒啊！無法想像啊！
好姊妹祝福靚B Ana代煮孕婦餐補身
Lisa S.宣布懷孕，模界好姊妹Ana R.、琦琦及陳嘉容異口同聲表示將來BB很靚，其中Ana更說：「Lisa好鍾意食我煮嘅嘢，我會學煮啲啱孕婦食嘅餸菜畀佢補身！佢真係好口密，當知道佢有咗，我開心到跳起！（做契媽？）暫時唔會，美國人好少搵朋友做契媽，通常搵長輩做！」至於與Lisa合資搞網站生意的琦琦則說：「本來約咗Lisa食大閘蟹，依家要延遲1年！（減少Lisa工作量？）佢係工作狂，等佢老公叫佢唔好做咁多嘢！（送乜？）到時親自設計首飾畀BB！」
陳嘉容昨日出席活動時說：「尋日我收到Lisa嘅短訊，其實上星期已覺得佢肥咗，我以為佢去完旅行肥咗！佢呢排會留喺香港，唔會周圍飛，佢好小心！（做契媽？）可以提議吓！」而馮德倫則在微博留言：「Congrats Bro（恭喜兄弟）」！
Ana暫時不考慮做契媽。 （資料圖片）
陳嘉容早前誤會Lisa只是發福。
琦琦笑Lisa是工作狂。 （資料圖片）
JC自薦做保母Jocelyn「開工」響應
吳彥祖與Lisa於圈中人緣甚佳，故喜訊傳出後，即得到各方祝福，不少名模更爭做BB契媽！
Jocelyn及Anthony
「佢哋為地球帶來最美麗嘅人類！我哋都要跟隨佢哋步伐，展開人生另一頁，要開工喇！」
Rosemary
「我知吳彥祖家人好想佢哋生BB！（禮物？）男友屋企人做BB衫。（搵佢做代言？）好提議！（做BB契媽？）如果佢搵我，我好榮幸！」
Jessica C.
「我好鍾意小朋友，可以做保母，收好平！我好鍾意攬BB、錫BB同聞BB，不過我唔想有BB！」
何紫綸
「Lisa係我師姐，吳彥祖係我偶像，金童玉女生嘅BB一定好靚好高，我都要搵個外國男友！」
貝安琪
「佢哋咁靚，BB一定好得意！（禮物？）可能送蛋糕，等Lisa生咗請佢大食一餐！」
陳君宜
「我會傳短訊，一定會送禮物！（你幾時生？）我想遲啲先！」
李冰冰
「你倆的小孩得好看成甚麼樣兒啊！無法想像啊！」
李小璐
「和我同月同日同一個血型的Daniel同學，Lisa和你的性格那麼好一定是個完美寶寶。」
Anthony、Jocelyn
JC
Rosemary
何紫綸堪收爐唔見2千萬
吳彥祖（Daniel）是圈中出名的絕世好男人，早前其母不幸患上腸癌，他完成手頭上的工作後，即飛往美國照顧母親5周，幸好吳母最後痊愈。最近老婆Lisa S.宣布有喜，Daniel即表示會於老婆產後停工1年，陪老婆「坐月」兼專心湊仔，認真廿四孝！根據資料，Daniel平均1年拍攝兩至三部電影，以每部片酬600多萬港元計算，估計停工1年，單單電影收入將損失逾1,800萬港元！
吳彥祖父（右）堪輿學家批生仔
堪輿學家陳子才批BB將大旺爸爸的名聲，亦會旺媽媽的工作及合作運：「吳彥祖命格屬木，生仔機會高啲！（大肚婆禁忌？）唔好搬屋或者擒高爬低，因為怕動胎氣！唔好裝修，因為怕BB塊面會有破損！」另外，Lisa前日在博客透露睇Rock騷，婦產科醫生余啟文表示孕婦不宜到人多擠迫的地方，因空氣不流通，孕婦會易暈，亦較易患上傳染病。問到睇騷時音響太大會否影響胎兒？他說：「胎兒要到16周先有聽覺，所以影響唔大！」
陳子才
留言列表
