close
台慶劇《大太監》同《名媛望族》收視漸疲弱。前者個個太監都多情，後者重口味又拖沓，難以挑起興趣。
今日公佈嘅上周收視，《大太監》平均收視係30點(即約192萬人次收看)，比上周跌2點；《名媛》平均收視係29點(即約185萬人次收看)。表面上《名媛》收視同前個禮拜一樣，但周一至同周五嘅最高同最低收視，就有調整。前周最高35點(即約224萬人次收看)，上周最高收視，只係得番32點(即約205萬人次收看)。
至於《大太監》都好慘烈，由前周最高收視36點(即約224萬人次收看)，到上周得33點(即約221萬人次收看)。
《大太監》月中先大結局，《名媛》早兩日，14號就玩完。睇吓星期四吳卓羲同朱晨麗嗰場床戰，對收視有冇幫助先。
《名媛望族》劇照
開心大發現 亞視露兩點
2012-12-03 17:20:29
上周亞視收視突破四個零，星期一至五分別有四個節目平均零收視。當觀眾以為佢哋會繼續「突破」（例如五個零)嘅時候，今日收視出爐，亞視上周嘅收視竟然再冇「零」﹗好多仲有2點收視添(約13萬人次收看)。而星期六日亞視嘅黃金時段平均收視，都係－－－2點!
全星期最高收視呢，係周日嘅《六點鐘新聞》，有6點(約38萬人次收看)，不過周六嘅《六點鐘新聞》同《頭條新聞》都下跌咗兩點，分別得3點(約19萬人次收看)同2點。
唔知佢哋幾時先可以再做番個好似《開心大發現》咁嘅節目，平均有5點(約32萬人次收看)收視呢?又或者好似盛品儒內心嘅堅持，亞視同TVB，收視依然係四六開嘅！
好多兩點收視!平均都係兩點收視!
全站熱搜
留言列表
