高皓正發表千字「戒自瀆」心得

藝人高皓正昨日發表千字「戒自瀆」心得，更自爆曾自瀆到不能自拔，幸有信仰支持才成功戒癮，但事後被網友圍插，指自瀆是正常生理行為。

高皓正

高皓正曾自瀆中毒

出名虔誠的高皓正昨日在社交網站與網友分享「戒自瀆」心得，更自爆曾經自瀆到不能自拔兼「中晒毒」，最後在信仰幫助下成功「戒毒」。雖然高皓正用心良苦，寫下過千字心得，不過卻遭到網友鬧爆，有網友力指自瀆乃正常行為，又謂不應刻意壓抑。

高皓正戒性論被嘲偽善

■高皓正喺facebook叫人哋唔好發生婚前性行為，又教人脫離自瀆嘅秘訣。資料圖片

現年35歲嘅高皓正係基督徒，多得鄭秀文翻唱佢首《不要驚動愛情》而為人認識，高皓正為咗傳教可謂不遺餘力。近日佢喺facebook發功，先後寫咗兩篇超長文章，分別係「10個不婚前性行為的理由」同「脫離自瀆小帖（貼）士」，當中佢列舉唔婚前性行為嘅10個好處，包括令自信心大增、令對方父母歡喜、唔會怕有咗等，好似有根有據，不過都唔夠佢講脫離自瀆夠學術性，佢從生理、心理同屬靈三方面分析，唔知仲以為佢做咗心理醫生。

■被網民稱為「高主教」嘅高皓正喺網上發表言論後即惹來網民狂轟。

被轟製造強姦犯

高皓正發佈文章後，惹嚟網民狂轟，有網民笑佢係高主教，又話佢「變左諾貝爾文學獎得主……莫言……」，有人仲鬧佢偽善同缺乏性知識，仲有網民話佢叫人唔自瀆會好易製造更多強姦犯。
不過高皓正噚日接受電話訪問強調唔會唔開心，佢話：「叫人小心發生性行為，亂拍拖上床好危險同有後果，自己有睇網民留言，希望有需要嘅人睇就得，我唔信咁講就會有咁大能力（製造強姦犯）。」
撰文：馮仁昭