FACEweekly
Let's dance with Sa
從小學習芭蕾舞超過十年，入行仍舞不停， Twins第一首派台歌〈明愛暗戀補習社〉 MV中，拍住阿嬌勁歌熱舞。轉眼間，蔡卓妍（阿 Sa）出道已 13年，正值 30成熟花年，活潑好動形象依然深入民心，更冧莊 5年為 adidas代言人，新一年仲為品牌新設的舞蹈班揭幕，呼喚大家舞起來！
舞不停
A：'06在內地名節目《舞林大會》以 ChaCha勇奪「最亮麗舞者」，究竟有乜竅門？
Q：「今年會參與內地另一個舞蹈節目《舞出我人生》，雖然未知對手是誰，但對自己有要求，積極增肥盼穿得起舞衣之外，還專登買咗大量拉丁舞 DVD偷師，想將 hip pop元素加入拉丁舞，皆因自從'12睇咗《 Street Dance 2》，覺得舞蹈可以更加多元化，而且主角對舞蹈的熱情，深深感染我，所以不斷積極學跳舞。」
A：平時着衫夠潮，運動時又怎潮着？
Q：「玩撞色 pattern!近年 adidas Originals by Jeremy Scott我都好鍾意（上圖穿上'13 S/S系列）， layering也很重要，近年運動衫如 adidas× Stella McCartney已經變得 fashionable，唔再簡單。」
A：最近考緊車牌，有咩車考慮入手？
Q：「好開心考得成筆試！𠵱家真正落手落腳學揸車，好緊張，希望路試都過到啦！冇咩特別必買車款，最緊要都係實用，因為屋企老人家同狗多！」
A：蛇年有什麼大計？
Q：「新春剛去完泰國旅行充電，馬上便開爆引擎工作，先要投入整整一個月的拉丁舞蹈錄影，馬不停蹄緊接與杜汶澤拍攝電影《超級經理人》，更少不了個人新 EP，下一張 EP如果遇上合適的跳舞歌，好樂意繼續跳！」
A：勤力 keep fit，你如何編排「阿 Sa一天的假期」？
Q：「第一件事就是吃，接着下午一定來個 high tea才夠滿足。最愛中國菜，有時間仲會親自下廚煮餸！平日都鍾意一班朋友熱鬧聚餐，最美滿當然係成枱美食，仲要『發辦』人一定係我！」
adidas今年新開設舞蹈班，教授自創舞步健身，早前先開 4班畀傳媒初體驗，嚟緊仲會去不同中學開班鼓勵一齊舞！至於一班潮人想參加就密切留意官方網消息啦！
（ http://mygirls.com.hk ）
撰文：鄭海欣
攝影：顏青瑋
留言列表
