close


拒演東莞仔！

網上作家向西村上春樹喺「高登」寫「甜故」寫到出書兼數度斷市。其中一篇《東莞的森林》，描寫去東莞骨場尋歡揼邪骨的過程，更吸引到《3D玉蒲團》老闆蕭定一中，實行召妓3D化。高登友視《東莞》為神級之作，對於男主角嫖客Frankie由邊個主演亦分外關注，雖然之前有傳由陸永擔正，但陸永原來已經拒絕咗。疑似俾人借過橋宣傳，陸永話：「3D咁剝真係接受唔到！」

 
剛喺上月初產女陸一穎的陸永，亦話過除咗老婆唔畀做資料搜集，更唔想下一代見到問點解自己唔係攬住媽媽，陸永真係細心老豆。

 
雖然《東莞的森林》作者向西村上春樹（向西）身份一直好神秘，不過佢寫甜故寫到被蕭定一睇中，又話用七位數買版權拍電影，仲可以睇到主角Frankie 3D召妓過程，未睇已經興奮。

「未使問老婆」
曾寫《3D肉蒲團》劇本、將為《東》片執導的導演胡耀輝，上週對外宣布新片卡士，爆出陸永會扮嫖客做男主角，雖有網友反對，但Mark仍覺得陸永夠搞笑又頗有才華。但原來陸永做主角根本十畫未有一撇，疑似被人擺上枱造勢。週一（19日），陸永在電話中說：「係有電話問過，我哋商量咗就決定唔做，一嚟覺得自己做唔到，3D咁剝真係接受唔到，淨係錄VO得把聲就冇問題，但如果叫我剝衫就唔想！（淨係女角露點，唔使你剝ok嗎？）咁梗係ok啦，佢露點係我睇佢嘛。（係咪片酬太少得十零萬，定係老婆詐型？）未傾到價錢嘅地步就冇考慮，所以都未使問到老婆，如果好多錢，或者會動搖，畀6億我就剝！」6億夠請高登仔心目嘅神級人選王家衞執導兼梁朝偉做啦，明玩嘢啫！

神秘向西勁斯文
一直隱藏身份唔露面的向西，連蕭定一都只係話聽過佢把聲，據知向西喺1986年出生、未婚、曾英國留學、從事跨國企業的銷售及市場策劃工作。蕭定一說：「把聲好斯文、好後生，可以向大家講向西肯定唔係陶傑。」而導演胡耀輝：「佢係個好有知識、有taste的宅男，講嘢好到位，每句都好一針見血。」

向西獨家訪問「希望有東莞陳妍希」
本刊週日（18日）透過電郵聯絡向西，佢話最想杜汶澤演桑拿中心經理一角，女主角傾向找素人，但最希望可以有個東莞陳妍希。而《東莞》女主角骨妹小思，被作者向西形容為「量產版楊采妮」般出塵，但導演胡耀輝（Mark）提及女主角只會於Jeana、DaDa、Mia中選擇。問向西覺得邊個較ok？向西說：「其實佢哋全部都可以做女角，但女主角始終純情一點比較好，能夠飾演到一隻不似雞的雞。」小思咁有氣質，幾位模有難度喎。

候選小雞
####


導演胡耀輝（左）和老闆蕭定一聲稱出七位數買《東莞》劇本，但向西卻在高登搞笑話：「人少少先講畀大家知，係$198,964呀！（好似係）」


杜汶澤


陳妍希


Jeana


DaDa


Mia

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄