上星期五Kay(16日)到中大講talk時一臉落寞,睇嚟仍然為解約一事煩爆!
35歲的謝安琪06年簽約環球,加入後即備受公司力捧,即使07年生完囝囝張瞻,但09年憑〈囍帖街〉紅爆升呢做天后,坐穩一姐位。
追住打
同環球擘面,謝安琪惟有靠自己同經理人殺出血路,偏偏Duncan追住打,每當Kay有好事發生,突然就會有不利佢的消息傳出,咁似豬狼選戰嘅!
有雜誌列出謝安琪三宗罪,指佢唔配合公司宣傳、私自接觸其他唱片公司,又話Kay有解約先例一向麻煩。事後Kay及經理人立即發聲明澄清。
中大講talk自爆抑鬱
愛與年輕人交流嘅謝安琪,出席講座時主動同學生合照,十分親民。
Kay:命都保唔住
謝安琪上週五(16日)出席中大「音樂人生」講座,其間主動提起3年前患上抑鬱症,又唔介意講囝囝,唔似其他「偽人」乜都收埋!
想跳樓
09年我患咗抑鬱症,不停聽到有人同我講嘢,係一啲唔識嘅人,講埋啲好惡意嘅說話,仲有把聲叫我「跳落去!」我當時覺得自己連命仔都保唔住!
學MJ
作為家長,我好怕小朋友成日曝光,我曾經諗過學Michael Jackson用布蒙住阿仔塊面添!同埋我對住個仔有時會好忟,反而張繼聰就有耐性好多!
要現實
人生唔使懶浪漫,雖然有夢想係好,但如果搵唔到食都要放棄,始終人都係要現實啲! ####
'10撐場前年謝安琪攞金唱片,除經理人夏森美(左一)和周博賢(左二),環球高層黃劍濤(右一)亦有到場支持,但今年初Kay搞演唱會就連影都冇,反面唔認人。《蘋果日報》圖片
'12冇影謝安琪上週35歲生日,老公張繼聰為佢包場搞生日會,唔同公司嘅方力申、方大同有份出席,反而一個環球歌手都唔見。
留言列表