跳到主文
部落格全站分類:偶像明星
娛樂八掛大放送★
娛樂 週刊 雜誌(2014-2015)☆
娛樂 週刊 及 雜誌(2012)☆ 娛樂 週刊 及 雜誌(2013)☆
上年一反乖乖仔傳統,黑眼線、露紋身、肉帛相見同模Jeana床上戲,間接令電影《喜愛夜蒲》小試牛刀下大收800多萬旺場。究竟夜蒲過後,有沒有如電影結局中的變乖乖仔重回人間?今年仲有一歲就30的陳柏宇,親自解謎。
唱風變了......上年又拍戲又同柏豪拉闊合唱,搞到Jason喉嚨生繭,休養過後積極錄音,新碟今星期見街,定名《LOST AND FOUND.》,「聲音對於歌手最重要,現今找回,所以以此定名。」大碟更找來不同唱作人作曲,務求粉絲「找回」夜蒲後的Jason,「柏豪、周國賢、糖兄妹、農夫分別為此大碟作曲,會有rap、dark的元素,希望聽眾唔好將我再定為『治療系歌手』!」
演出多了......因為《喜愛夜蒲》,年頭在第一屆「多倫多華人電影節」奪得優秀演員一獎,在內地因為此戲令更多人認識Jason,直接甜頭是多了bar騷出席賺外快,「一去十幾場,咁就兩個月。」仲唔係夜蒲代表?最近更為導演葉念琛新片《天生愛情狂》客串,主角係張智霖及劉心悠,唔係擔正旗喎,「其實配角仲難演過主角,因為主角往往有主線及性格,配角大多是配襯又要不慍不火,先唔會搶戲。」
乖仔野了......Jason正宗CBC,加拿大長大,從來冇話過自己乖仔,「入行咁耐都冇標榜過自己乖仔,只係別人一廂情願。」也對,過往被人影到露紋身、打街機煲煙,Jason唔似某某特首候選人玩抵賴,「所以新碟其中一首歌叫〈Animal Farm〉,就係揶揄現今的『豬狼』政治。」突然化身憤世仔,正如佢話乜都要試,最近就考到電單車牌,華Dee上身,「加拿大住時阿媽好反對,但就嚟都30歲,唔試等幾時?」最近物色有兩輪法拉利之稱的Ducati Monster 796,12萬多,成8千幾轉馬力,唔該你揸得小心啲呀!
拖要拍了......人野,心不野。在拍《喜》片間,認識了模特兒女友Leanne Fu,上月更不避嫌公開拖手睇謝安琪個唱,唔怕粉絲嬲死?「唔怕,我唔係偶像派,粉絲唔多。」掛住拍拖,屋企有齊PS3、XBOX、Wii也少打,畀晒時間女友,仲畀埋「二奶」同「三奶」,「一放工就返屋企同老虎狗女Betsy同鬆獅狗女Victoria玩。」最近仲在微博話終於儲齊超級市場飛仔換煲,有拖拍係唔同啲。
後記......CBC性格唔會就住就住,80後男生題外話乜都傾,我直接問Jason嚟緊最想做甚麼,沒有多加思索就答了,「香港娛樂圈,如果你唔係Eason級數,惟有拍埋劇多方面發展畀多啲人識。我有諗過疊埋心水開酒吧,賺多蝕少。」繼續《喜愛夜蒲》上腦之餘,仲計過自己實力運數觀眾緣,Jason咁識諗,女友Leanne放心晒啦! ####
818 娛樂八掛大放送★
stacylife 發表在 痞客邦 留言(0) 人氣()
留言列表