close


關楚耀新歌〈我還是什麼〉，歌詞講述被女朋友背叛，但又唔捨得放手嘅傷痛，原來是他的親身經歷，「都係讀書時代嘅事，女友係校花嚟㗎！身邊好多男仔氹氹轉，有一日俾我發現佢偷食，但又唔想分手，我只係記得當時真係好hurt。」

知錯能改。毒禍更生，關楚耀（Kelvin）重新出發，唱片公司亦不離不棄，今年點名再力谷上位。為翻身，即將推出的新碟亦動作多多，先有食政治水玩諷刺，搞到國內禁播嘅〈佔領〉做頭炮，成功獲網民畀like，讚有guts。
不過玩政治怎及官能刺激吸引，所以第二波主打〈我還是什麼〉MV，更搵咗已為人母的媽模Mia復出玩肉搏，最激係關楚耀被除剩底褲嘅Mia生擒。29歲熱血男直言動L有反應，「尷尬㗎……我係正常男仔嘛！」


今次揀MV女主角，導演同關楚耀都非常頭痕，要有演戲經驗、又要令人有遐想，而且仲要肯大膽演出，最後由媽模Mia爭贏。關楚耀說︰「導演想搵個有身材、有幻想嘅女仔，Mia真係好專業，初初聽導演講，我都冇諗過咁激，到真正落場拍都嚇咗一跳，而且都幾尷尬，始終第一次見面就咁。」

清場埋牙
第一次見面，關楚耀同Mia拍之前亦溝通充足，Mia仲安慰佢唔使怕醜。為免Mia尷尬，關楚耀要求導演清場拍呢場肉搏戲，他說︰「尷尬㗎，入行5、6年，都冇拍過親熱戲，真係唔知點做，對手仲要係第一次見，始終佢都係女仔，我擔心佢多啲。（有冇生理反應？）有反應㗎，我係正常男仔嘛。（有冇同女友報定案？）咁就冇，不過拍完之後有同佢講，佢都話冇所謂，工作啫。」可惜這個超激MV，電視上播放的是潔淨版，足本激版只會隨大碟附送。想睇片？畀錢啦！

前戲
雖然導演教晒角度，但拍親熱戲之前，關楚耀同Mia都溝通清楚，仲雞啄唔斷講笑培養情緒，前戲十足喎！

去盡
新歌MV下星期會在網上推出潔淨版，而足本肉搏MV只會隨碟附送。

洗底翻身
繼Kary吳雨霏之後，環球重點力谷關楚耀，除咗拍亞視、港台劇入屋之外，仲傾掂now觀星台節目《關人煮事》，形象加分。新歌〈佔領〉亦極具話題性，仲上埋叱咤903第1位。

搞話題
世界由邊個去操縱世人被影子幕後去操控摧毀 權勢堆積的堡壘來草擬新規矩

博入屋

媽模復出
Mia 陳靜儀出道以來都貫徹模是非多傳統，即使23歲女、已為人母仍緋聞多多，先同郭秀雲子錢景峰拍拖又分手反面，最近再被拍到與南華前鋒陳肇麒（陳七）夜會。去年因父親過身心情低落，加上忙於中港兩邊走辦父親後事，以致體重暴跌，休息一年後，今年將會全面復出。

大膽戲
《喜愛夜蒲》第一集成功，刀仔鋸大樹，據知《喜愛夜蒲2》Mia都有份參與，應該仲激過今次MV。

玩緋聞
23歲已為人母嘅Mia，仲搏過啲模，緋聞一大籮，新鮮滾熱辣有陳七。 ####


這個MV是關楚耀與Mia的第一次接觸，而關楚耀入行6年，話晒第一次咁激，反而Mia仲安慰佢，叫佢放膽拍喎！


貴為環球神枱級元老譚詠麟契仔，加上有環球掌舵人黃劍濤照住，仲點名力谷上位，同Kary拍住上。《蘋果日報》圖片


〈佔領〉以早前全球發動的「佔領華爾街」行動為背景，講述社會失控的問題，成功製造話題。


為now拍飲食節目，煮男形象成功入屋，阿倫、克勤仲擔任嘉實力撐。


關楚耀喺港台劇《火速救兵》飾演救護員，角色正氣成功洗底。


《蘋果日報》圖片

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄