因電影《低俗喜劇》帶起爆炸糖熱潮，一班 90後 Abert、 Edwin、 Ross、 Ivan、 Kelvin及 Jason（左起），決定找廠商合作推出爆炸糖頭咕𠱸，於年宵大展拳腳。

創業通

年宵真人 show上集　 90後發圍

2013年02月06日 ~~ 第1098期 交易通．搵車快線

一連 7日年宵市場將於 2月 4日（年廿四）開鑼，今年投檔的除了有不少年宵老手外，亦有一班打算小題大做的 90後新手，及由中學生組成的嫩口兵團，雖然他們年紀輕輕，但都扭盡六壬，希望可以在眾多的競爭中突圍而出，賺錢而歸。

Case1：食《低俗喜劇》 gimmick　推出爆炸糖頭咕𠱸

上年港產電影《低俗喜劇》勁收 3千萬，藉 着這個熱潮，有一群 90後看到當中的商機，推出爆炸糖頭咕𠱸，在今年年宵大展拳腳， Ivan說：「我 哋幾個第一次搞年宵，想突圍而出一定要諗計，見之前年宵有人同 Tempo合作出咕𠱸幾 work，打算搵品牌合作推出產品，見《低俗喜劇》好 hit，就諗起爆炸糖，加上係好多人 嘅童年回憶。我 哋上網查資料，做埋計劃書，膽粗粗去聯絡爆炸糖生產商御軒，真係成功傾掂 咗，畀我哋喺年宵出爆炸糖頭咕𠱸。」
由 6名男生組成的「蛇歡囍銀行」， Ivan、 Ross、 Kelvin與 Jason都是中學同學，在一次同學聚餐談起生意經，發起人 Ivan說︰「大家雖然各有正職，但覺得𠵱家得廿零歲仔，想試吓一齊搞生意，我提議不如搞年宵先，呢個屬短期合作，可以畀大家磨合吓，睇吓夾唔夾。」之後 Ivan拉了同事 Abert和 Edwin一齊入股，增加人手， 6人約合資 12萬。


爆炸糖頭咕𠱸一面紅、一面綠，一個咕𠱸有齊兩種味道，售$168。




上年 10月時，他們投得維園攤位，「雖然知道維園年宵 嘅轉角位最多人流，但第一排轉角位投標價要成 9萬幾，我 哋唔敢貿貿然去投，驚回唔到本，最後投到轉角位隔兩三個檔位，只係用 咗 2萬幾。」投得檔位後， Ivan與拍檔們 send計劃書到御軒，不用 1個月，御軒便回覆可和他們合作出咕𠱸。
得到合作機會， Ivan和拍檔們便到廣州找廠生產，「有 啲廠建議我 哋整四方形 嘅咕𠱸再印圖案上去，但我 哋覺得咁做完全冇爆炸 嘅感覺，最終搵到一間廠話可以整到爆炸起角，而咕𠱸個套我 哋揀 咗彈性物料，裏面就用雪豆。由於做辦每次寄落香港都要一個星期，最終用 咗成個月先起到個辦。」

年輕人乜都拗一餐

在合作過程中，意見不合少不免， Kelvin說：「咁多人總有唔同意見，好似決定咕𠱸嘅生產數量已經拗一餐，有人話 1,800個、有人建議 2,500個，好彩我 哋最後會搵到共識，每人讓一步，最後決定生產 2,000個。到年宵嗰 7日，我 哋全部請晒假，為 咗搞好佢，點都要付出吓。」
在籌辦年宵的過程中，他們遇到不少難題， Ivan說：「有朋友新居未入伙，可以借間屋畀我 哋擺貨，當 2千個咕𠱸由大陸運到 嚟，大廈保安話擺咁多貨會違反公契，間屋會被釘契，唔畀我 哋搬上樓。 嗰陣夜晚 8點幾，周圍打電話睇吓有咩方法，最後搵到屯門有個貨倉可以擺貨。」
Ivan只好聯絡之前的搬運公司回來運貨，「佢 哋話之前部車返 咗內地，要開另外兩部車過 嚟，仲坐地起價，原本$800運費， 嗰晚要用成$2,000，兼唔包工人，要我 哋自己搬上車，去到屯門個倉，又要搬返落去，個倉都起我 哋價，原本$200日，𠵱家要$500日，但夜麻麻我 哋惟有硬食，呢個經歷真係好深刻。」


由於今年年宵貼近情人節， Ivan在年宵攤位寄賣朋友設計的情侶 tee， 2件售$199。

找小朋友影宣傳照

為了帶出咕𠱸溫馨感覺，他們與攝影師即興到公園找小朋友影攬住咕𠱸影相，放上 faccbook宣傳。

為了宣傳，他們開了 facebook專頁，並找來攝影師拍攝產品相，「爆炸糖畀人 嘅感覺都幾 wild，始終咕𠱸係家居用品，我 哋好想表達出好 warm入屋 嘅感覺，於是搵 咗個攝影師同 model影產品相，點知 嗰日 model臨時甩底，見既然攝影師到 咗，影唔影都要畀錢，我 哋就試吓落公園搵 啲小朋友同家長攬住個咕𠱸影相， 啲家長好好人，肯畀小朋友幫我 哋影相，相片出 嚟 嘅效果好好，好自然。」
今年年宵貼近情人節， Ivan產品上花了不少心思，「有朋友設計 咗 啲情侶 tee嚟寄賣；我 哋仲會賣心形氫氣球，可以畀情侶 喺上面寫字。再加啲風車同小玩具，希望產品多元化 啲。」
「蛇歡囍銀行」位於維園的 76號攤位，鄰近轉角位，咕𠱸每個售$168，他們預期 2,000個咕𠱸可於 7日內沽清，而其他產品相信可賣到 9成以上，「 喺 facebook已經預購 咗 200個，而御軒會同我 哋入 300個，每日只要賣出約 200個就會賣清，所以都幾有信心。假如撞正落雨，賣唔晒 啲貨，我 哋打算擺 喺朋友 嘅鋪頭度賣，同時都會網上做拍賣，清走剩低 嘅產品，目標係賺約 10萬。」 

預計年宵收支

租金：$23,900
雜費：$25,000
設計及生產：$100,000
預計生意額：$250,000
預計盈利：$101,100
（蛇歡囍銀行　維園 76號攤位）

點傾合作？

要與品牌談合作，最重要知己知彼， Ivan說︰「 喺聯絡御軒前，我 哋做足資料搜集，留意到佢 哋 喺 facebook、 roadshow做宣傳等，估佢 哋都想有多 啲宣傳途徑。於是決定做好計劃書同御軒傾。」
御軒負責人 Alex說：「我 哋都想做多 啲宣傳，所以免費畀 咗爆炸糖頭 嘅肖像權 Ivan出產品，屬一次性質，佢哋揀咗做咕𠱸，咕𠱸嘅設計圖要畀我哋審批。由於佢 哋個攤檔會賣其他產品，所以我 哋只畀 3千幾現金同 5百包爆炸糖做贊助。」

Alex御軒負責人

Ivan成功爭取和御軒合作，得到爆炸糖 license出咕𠱸。

Ivan做 嗰份計劃書好詳細，咁 啱我 哋都想推廣爆炸糖，覺得係互惠互利，所以同佢 哋合作出咕𠱸。 

Case 2： 3D揮春 encore　荷里活廣場先試反應

天主教南華中學已參加過 7年年宵，見上年反應理想，今年再推出重新設計的 3D揮春，在馬 sir(攜相機者)帶領下，在荷里活廣場舉辦的年宵會先試反應。

「埋 嚟睇吓啦， 啲 3D揮春係我 哋自家設計，好有特色 㗎！」採訪當日，天主教南華中學參加了 1月尾於荷里活廣場舉辦行為期 3日的「學校起動─新春喜盈『營』年宵會」，作為擺旺角年宵攤位的前哨戰，學生落力叫賣，向客人推銷。
今次年宵會邀請了 11間中學免費參加，而天主教南華中學攤位名為「年宵兵團」，主打是 14款自家製 3D布揮春，負責統籌的馬 sir說：「我 哋已經參加 咗 7年年宵，今年籌委有 17個，由修讀企業會計與財務概論科 嘅中 4同中 5學生組成。除 咗書本上 嘅知識外，仲希望學生可以多 啲接觸社會，發揮自己所長，應用 喺實戰上。」 


荷里活廣場年宵會反應理想， 12款 3D揮春中，以得心應手、發過豬頭及桃花旺盛最受歡迎。

「年宵兵團」在上年 7月已開始籌備工作，由一班 90後學生包辦，首先是籌集資金，他們向師生及家長招股，每手 500，籌到 12萬。其實 3D揮春於上年年宵已推出過，見銷情不俗，經討論後，決定今年再次採用，中四代表小明說：「所有細節都由學生開會討論，馬 sir只係從旁協助。好似揮春上 嘅圖案係全新設計，剔走 啲冇咁受歡迎 嘅款式，好似『年生貴子』等，今年加入『發過豬頭』、『愛你一萬年』等。」
上年未能製作的「桃花旺盛」揮春，今年終放推出到，中五代表阿佩說：「個辦我哋一針一線去整，之後交畀上年幫我 哋生產 嘅內地廠房，只係整個辦都用 咗 2個月。」今年更新增桔形全盒，更設計成在過了新年後用來做廁紙盒，物盡其用。 

好賣款式定價最貴

在「學校起動─新春喜盈『營』年宵會」開幕那日，「年宵兵團」更從政務司司長林鄭月娥手上取得「最佳攤位設計」和「最佳營商計劃書」獎。

參考上年共賣出約 5千個揮春，賺了約$10萬，「年宵兵團」今年總共生產了 14款共 5千 5百個，由於人民幣升值和材料費加價，成本比去年貴了 25%，阿佩說：「成本幾多唔講得，但最少比成本定價一倍以上先有錢賺。呢幾日年宵會，打算劃一$58優惠價賣畀市民做吓宣傳。 喺年宵開賣時，每款揮春售價介乎$68至$108，好似『發過豬頭』好好賣，得番百幾個，會定高 啲價賣$108。」
馬 sir認為今次年宵會讓學生得到實戰經驗，「好似某款揮春銷情好 啲，要識得返學校補貨。呢次擺檔 嘅銷情好好，加埋之前有機構同我 哋拎 咗 1,400個，𠵱家大約剩低 3,000個，好有信心旺角年宵 7日內賣得晒，估計可賺 8萬。」 

預計年宵收支

租金：$17,000
雜費：$3,000
設計及生產：$100,000
預計生意額：$200,000
預計盈利：$80,000
(年宵兵團　旺角花墟 13號檔)

阿佩　年宵籌委會中五代表

我 哋畀所有有興趣 嘅同學報名去年宵幫手，每日分做 3更，每個時段有 8至 10人當值，每更有 1個鐘重疊用 嚟交接，唔使手忙腳亂，而除夕夜晚會預有 20人，希望做到最後衝刺。 

黃小姐　客人

行過覺得 啲 3D揮春幾特別，圖案上都幾創意同簡單易明，好似老少平安用老人同小朋友頭像，一睇就知係咩。 

撰文：曾志恒
攝影：彭自維
部分圖片由被訪者提供