close
偉仔當日先去港大出席對談會，再踩落旺角造勢，最後再有一場慶功宴，少啲精力都唔掂。呢日一去到港大就同師生整張大合照，你睇一代宗師身後班學生幾咁有氣勢！
FBI
港大仔引唔爆偉仔
《一代宗師》收近 2千萬，咩年紀 嘅粉絲都有。上週四（ 31日）主角梁朝偉同埋動作指導袁和平等人就去 咗港大出席學生搞嘅對談會。當日約有 1,000名港大師生出席，由於班學生冇乜幾可見到影帝朝偉，所以氣氛特別熱鬧。
咪以為港大學生問親 嘅問題一定好學術，當日有位學生竟然問偉仔：「你有冇鍾意到宮二呢？」問題一出，莫講話 FBI，連朝偉都忍唔住笑 咗一下，之後就好小心咁答：「現實梗係冇啦！戲入面當然有。」話晒一代宗師功力深厚，梗係唔會隨便爆啦！
當日港大周兆平教授就即場將當年港督衞奕信送畀港大 嘅一條格仔頸巾轉送畀偉仔，呢條咁意義深長 嘅頸巾，從此落入一代宗師身上。
對談會完結，場內千名學生加埋場外 嘅幾百名學生，都追住偉仔架保母車，場面壯觀，唔係𡃁仔𡃁妹先會追星㗎！
全站熱搜
留言列表
