46歲 Shirley成晚講靚仔經，又任男 dancer摸勻全身，但問佢拍拖未，佢又話仲未遇到個 啱 feel喎！
真面目
重口味 13歲仔後台嗌加油 關淑怡色慾騷豁出去
繼 08年，關淑怡相隔 5年再踏紅館，一向鬼婆性格的 Shirley，今次個唱大玩鋼管舞、性愛 pose，餵男 dancer食波餅時更大叫「 you make me so high！」 46歲的 Shirley夠晒重口味！
Shirley一向對家人，尤其是 13歲愛兒關浚賢好保護，本刊於後台直擊 Shirley與兒子的溫馨場面，生得高大的浚賢，一見媽咪就大叫「加油呀， good show！」 冧到 Shirley病住都撐起個騷！
記者一入到後台， Shirley已經話︰「死喇，感冒呀！」猛叫助手幫她校細冷氣，經理人 Marianne王敏慧更預備暖水袋。原來開騷前一晚， Shirley綵排時已覺周身骨痛，但時間無多，直到週六開騷當晚七時多，化妝師、髮型師和造型師已包圍着 Shirley，狀態麻麻的她，當見到 13歲兒子關浚賢入後台，又突然醒神番。
着住連身超短裙的 Shirley，企上升降台時預 咗會露打底，順便可以騷吓長腿。
Shirley同班鬼仔 dancer好 friend，請食波餅，仲話唔覺得蝕底，睇到觀眾𠵱嘩鬼叫。
後台開壇
Shirley信奉密宗多年，特別在後台開壇，祈求演唱會順順利利。
病到冇晒胃口 嘅 Shirley，拎住盒飯篤吓篤吓，她說︰「今次比上次緊張，年紀又大喇，仲要唔舒服，最驚唔記得歌詞。」開騷時雖有歌詞提示熒幕，但在唱〈離開請關燈〉時亦甩咗成句歌詞有多。
浚賢高過阿媽
生得高大的浚賢，一身型仔打扮入後台探班，見到阿媽就大嗌「加油」、見到鏡頭就好醒目閃開。
《壹週刊》圖片
圍到實
有傳近年生活由父親接濟的 Shirley，這晚其父由上海專程返港睇騷，打扮完全唔似老人家，同關母及浚賢圍住支持 Shirley。
父母飛嚟睇
記者眼見，浚賢身形已高過 5呎 5吋的 Shirley，一見到 Shirley就說︰「媽咪加油！媽咪 good show！」浚賢跟 Shirley抱一抱就企開，不打擾媽咪預備出台，十分懂事。而這晚， Shirley的父母亦有到場，在上海定居，有傳財政上支持她的父親特別來港探班。開騷前，有父母和兒子圍住自己，相信親情比起感冒藥更有效。
頭場演出， Shirley明顯有不少蝦碌，亦有甩嘴情況，但面對 8位中外猛男 dancer， Shirley豁晒出去，除了與男扮女裝的 dancer大玩 les味舞外，更做出不少性愛動作，雖然觀眾對 Shirley的接受能力很高，但未知台下的浚賢，有冇俾阿媽嚇親呢？
每次 Shirley「出事」，譚校長一定出面講好說話，已經甚少做演唱會嘉賓 嘅阿倫，同 Shirley合唱經典歌〈唱一首好歌〉，夠晒義氣！
比起 5年前的演唱會， Shirley係多肉 咗，演唱會服裝由其御用設計師 Tomas Chan設計，呢件透視內衣裝，真係要好有自信先敢着上台。
留言列表
